நாட்டின் சட்ட அமைப்பின் நடவடிக்கைகளை எதிர்கொள்ளத் தயாராக இருக்கிறேன்: சுஹைலி

கோலாலம்பூர்:

நாளை சிப்பாங் மாஜிஸ்திரேட் நீதிமன்றத்தில் நடைபெறவிருக்கும் தனது குற்றச்சாட்டு தொடர்பான விசாரணைக்குப் பிறகு, நாட்டின் சட்ட அமைப்பின் எந்தவொரு தீர்ப்பையும் எதிர்கொள்ளத் தயாராக இருக்கிறேன்.

எல்லைக் கட்டுப்பாடு, பாதுகாப்பு முகமையின்தலைமை இயக்குநர், டத்தோஸ்ரீ முஹம்மது சுஹைலி முஹம்மது ஜைன் இதனை கூறினார்.

கடந்த செப்டம்பர் 28 அன்று கோலாலம்பூர் சர்வதேச விமான நிலையத்தில் இரண்டு போலிஸ் அதிகாரிகள் மீது நடத்தப்பட்டதாகக் கூறப்படும் தாக்குதல் தொடர்பாக அவர் எதிர்கொள்ளவிருக்கும் குற்றச்சாட்டுகள் குறித்துக் கேட்கப்பட்டபோது அவர் இவ்வாறு கூறினார்.

முன்னர் கூறியது போல், மலேசியாவின் எல்லைப் பாதுகாப்பை மேம்படுத்துவதற்கான மாற்றங்களுக்கு ஒரு 'விலை' உண்டு என்றும், அந்த விலை அவரே என்றும் முஹம்மது சுஹைலி வலியுறுத்தினார்.

நாளை, நாட்டின் சட்ட அமைப்பின் செயல்முறையை எதிர்கொள்ள நான் தயாராக இருக்கிறேன் என்று அவர் கூறினார்.

- பார்த்திபன் நாகராஜன்