போலிஸ் புகாரின் அடிப்படையில் சமூக ஆர்வலர் கைது: விசாரணைக்காக கைத்தொலைபேசிகள் பறிமுதல்

கோலாலம்பூர்:

வெளிநாட்டுப் பாதிக்கப்பட்டவர்கள் சம்பந்தப்பட்ட கொள்ளைக் குற்றச்சாட்டுகள் உட்பட, பெறப்பட்ட புகாரின் அடிப்படையிலேயே ஆர்வலர்களின் சமீபத்திய கைது நடவடிக்கை மேற்கொள்ளப்பட்டதாக கிளந்தான் போலிஸ் வலியுறுத்துகிறது.

தானா மேரா, கோத்தா பாருவில் பல வழக்கு அறிக்கைகள் தமக்குக் கிடைத்துள்ளதாக கிளந்தான் போலிஸ் தலைவர் டத்தோ முகமது யூசோப் மமாட் கூறினார்.

பெறப்பட்ட போலிஸ் புகார்களின் அடிப்படையில் நாங்கள் செயல்படுகிறோம். 

புகார் எதுவும் இல்லை என்றால், நாங்கள் அவர்களைக் காவலில் வைக்கவோ அல்லது வாக்குமூலங்களைப் பதிவு செய்யவோ மாட்டோம்.

எனவே, கேமரா, கைரேகை பதிவு செய்வதைத் தவிர, கைது மற்றும் வாக்குமூலங்களைப் பதிவு செய்யும் செயல்முறை ஆகியவை சாதாரண நடைமுறைகளே, அவற்றை மிகைப்படுத்தத் தேவையில்லை என்று அவர் கூறினார்.

- பார்த்திபன் நாகராஜன்