மெர்லிமாவ் தொகுதியை பாஸ் கட்சியிடம் ஒப்படைக்கும் அக்மால் பாதுகாப்பான தொகுதிகளை குறிவைக்கிறார்

மலாக்கா:

வரவிருக்கும் மலாக்கா மாநிலத் தேர்தலில் அம்னோ  இளைஞர் பிரிவுத் தலைவர் டாக்டர் அக்மால் சாலே, மெர்லிமாவ் தொகுதியை பாஸ் கட்சியிடம் ஒப்படைப்பார் என எதிர்பார்க்கப்படுகிறது.

நேற்று, அக்மால் தனது முகநூல் பதிவில் வாக்காளர்களுக்கு நன்றி தெரிவித்ததோடு, "இனி என்ன செய்வது?" என்றும் கேட்டிருந்தார்.

இதற்கிடையில், மாநிலக் கட்சித் தலைவர் சூல்கிப்லி இஸ்மாயில் மெர்லிமாவு தொகுதியில் வேட்பாளராக நிறுத்தப்படுவார் என்பதை மலாக்கா பாஸ் கட்சி வட்டாரம் ஒன்று உறுதிப்படுத்தியது.

சூல்கிப்லி, ஜாசின் நாடாளுமன்ற உறுப்பினராகவும் உள்ளார்.

குறைந்த வாக்காளர் இருந்த 2021 மாநிலர் தேர்தலில், அக்மல் 58 சதவீத வாக்குகளைப் பெற்று மெர்லிமாவ் தொகுதியில் வெற்றி பெற்றார் என்பது குறிப்பிடத்தக்கது.

- பார்த்திபன் நாகராஜன்