பிரான்ஸ் நாட்டு பள்ளியில் இளைஞர் நடத்திய துப்பாக்கி சூடு: பள்ளி முதல்வர், ஆசிரியர் காயம் 

அவ்பக்னே: 

பிரான்ஸ் நாட்டில் உள்ள ஆரம்ப இடைநிலைப்பள்ளியில் 14 வயது சிறுவன் நிகழ்த்திய துப்பாக்கி சூடு சம்பவத்தில் பள்ளியின் முதல்வர், ஆசிரியர் ஆகியோர் துப்பாக்கி சூட்டுக்கு இலக்காகினர் 

மற்றொரு நபரும் சுடப்பட்டார், அதேவேளையில் பாதிக்கப்பட்ட இருவருக்கும் உயிருக்கு ஆபத்தான காயங்கள் ஏற்படவில்லை.

சந்தேக நபர், கிட்டார் பெட்டி போன்ற வடிவமுள்ள ஒரு பையைச் சுமந்துகொண்டு பள்ளிக்குள் நுழைந்து, பின்னர் அதிலிருந்து நீண்ட குழல் கொண்ட துப்பாக்கியை வெளியே எடுத்ததாக மார்சேய் துணை அரசு வழக்கறிஞர் ஆட்ரி ஜுவானெட்டன் கூறினார்.

அதிகாரிகளுக்குத் தெரிந்தவரை, சந்தேக நபருக்கு எதிராகக் குற்றச் செயல் அல்லது தீவிரமயமாக்கல் தொடர்பான எந்தப் பதிவும் இல்லை என்று அவர் கூறுகிறார்.

கொலை முயற்சி வழக்கு தொடர்பாக விசாரணை தொடங்கப்பட்டுள்ள நிலையில், சந்தேக நபரின் பெற்றோரும் கைது செய்யப்பட்டுள்ளதாக பிரெஞ்சு உள்துறை அமைச்சர் லாரன்ட் நூனெஸ் உறுதிப்படுத்தியுள்ளார்.

பிரெஞ்சு அதிபர் இம்மானுவேல் மக்ரோன், X தளத்தின் வழியாக, ஒரு மோசமான சம்பவம் நிகழ்வதைத் தடுக்க உதவிய பள்ளி ஊழியர்களின் விரைவான நடவடிக்கைகளைப் பாராட்டினார்.

-மவித்திரன்