ஷா ஆலாமில் சாலை விபத்து: இருவர் பலி, ஐவர் காயம் 

பெட்டாலிங் ஜெயா: 

நேற்றிரவு ஷா ஆலாம், ஹைக்கோம் தொழிற்துறை - கிளேன்மேரி சாலை அருகே நிகழ்ந்த பயங்கர சாலை விபத்தில் இருவர் பலியான வேளையில் ஐவர் காயம் அடைந்தனர். 

சிலாங்கூர் மாநில தீயணைப்பு, மீட்புப்படை நடவடிக்கை பிரிவு உதவி இயக்குநர் அஷ்ருல் ரிசால் அஷ்பார் இதனை உறுதிப்படுத்தினர். 

20 வயதுடைய இருவர் உயிரிழந்தது உறுதிசெய்யப்பட்ட நிலையில், 19 வயதுடைய மற்ற இருவர் லேசான காயங்களுடன் தப்பினர்.

புரோட்டான் எக்ஸோரா பல்நோக்கு வாகனத்தில் (MPV) பயணித்த 29 வயதுப் பெண் மற்றும் 27, 28 வயதுடைய இரண்டு ஆண்கள் லேசான காயமடைந்தனர் என்று அவர் கூறினார். 

இந்த சாலை விபத்து தொடர்பாக தீயணைப்பு, மீட்புப்படையைச் சேர்ந்த 14 ஊழியர்கள் பாதிக்கப்பட்டவர்களை மீட்கும் பணியில் ஈடுபட்டதாக அவர் குறிப்பிட்டார்

-மவித்திரன்