தனிநபர் வரிச் சலுகை 9,000 ரிங்கிட்டிலிருந்து 12,000 ரிங்கிட்டாக உயர்த்தப்பட்டது: பிரதமர்

கோலாலம்பூர்:

2028-ல் தாக்கல் செய்யப்பட வேண்டிய வரியான 2027 மதிப்பீட்டு ஆண்டிற்கான தனிநபர் வரிச் சலுகை 9,000 ரிங்கிட்டில் இருந்து 12,000 ரிங்கிட்டாக உயர்த்தப்படும்.

குடியிருப்பாளர்களுக்கான வருமான வரி விகிதம் ஒரு சதவீதப் புள்ளி குறைக்கப்படும்.

மற்ற வரிச் சலுகைகளின் வரம்பை விரிவுபடுத்தி பின்வருவனவற்றை உள்ளடக்குவதாகவும் பிரதமர் டத்தோஸ்ரீ அன்வார் இப்ராஹிம் அறிவித்தார்.

1. பிரசவத்திற்குப் பிந்தைய பராமரிப்பு.

2. சுகாதாரச் செலவுகள் மட்டுமல்லாமல், முதியோரைப் பராமரிப்பதற்கான அனைத்துச் செலவுகளும்.

3. விளையாட்டுக் காலணிகள்.

4. டியூஷன் வகுப்புகள் உட்பட அனைத்து வகையான படிப்புகளுக்குமான கல்விக் கட்டணம்.

5. செயற்கை நுண்ணறிவு  சேவைகளுக்கான சந்தாக்கள்.

6. தடுப்பூசிகள்.

7. பதிவுசெய்யப்பட்ட காப்பகத்திலிருந்து ஒரு செல்லப்பிராணியைத் தத்தெடுப்பதற்கான செலவு ஆகியவை இதில் அடங்கும்.

- பார்த்திபன் நாகராஜன்