"நான் நவீனைத் தாக்கவில்லை": நண்பரின் முகத்தில் அறைந்ததிலிருந்தே மோதல் தொடங்கியதாக உயர் நீதிமன்றத்தில் குற்றம் சாட்டப்பட்டவர் வாக்குமூலம்

ஜார்ஜ் டவுன்:

ஜார்ஜ் டவுன் உயர் நீதிமன்றத்தில், குற்றம் சாட்டப்பட்ட நால்வரில் ஒருவரான ஜே. ராஜேசுதன் (J. Ragesuthen), ஒன்பது ஆண்டுகளுக்கு முன்பு பதின்ம வயது இளைஞரான டி. நவீன் (T. Nhaveen) கொல்லப்பட்ட சம்பவத்தில் தான் பங்கேற்கவில்லை என்று மறுப்பு தெரிவித்தார்.

தனது சக குற்றவாளிகளுக்கும் நவீனின் நண்பரான பிரவீனுக்கும் (Previin) இடையே ஏற்பட்ட மோதலைத் தான் நேரில் கண்டதாகக் கூறிய ராஜேசுதன், அதன் பிறகு நவீன் மீது நடத்தப்பட்ட தாக்குதலில் தனக்கு எந்தத் தொடர்பும் இல்லை என்று மறுத்தார்.

குற்றம் சாட்டப்பட்டவர்கள் விடுவிக்கப்பட்டதை எதிர்த்துத் தொடரப்பட்ட மேல்முறையீட்டைத் தொடர்ந்து, அவர்கள் தங்கள் தரப்பு வாதங்களை முன்வைக்குமாறு மேல்முறையீட்டு நீதிமன்றம் முன்னதாக உத்தரவிட்டிருந்தது.

நீதிபதி டத்தோ முஹம்மது ராட்ஸி அப்துல் ஹமீத் (Datuk Mohd Radzi Abdul Hamid) தலைமையில் நடைபெறும் இந்த வழக்கு விசாரணையானது, நவீனின் கொலை, பிரவீனுக்கு ஏற்பட்ட காயங்கள் தொடர்பான குற்றச்சாட்டுகளை மையமாகக் கொண்டுள்ளது.

- பார்த்திபன் நாகராஜன்