கண்ணீருடன் விடைபெற்ற மெஸ்ஸி: கடைசி ஆட்டத்திலும் கோல்

போனஸ் அயர்ஸ்:

அர்ஜெண்டினா அணிக்காக நீண்ட பயணம் மேற்கொண்ட லியோனல் மெஸ்ஸி அனைத்துலகக் கால்பந்திலிருந்து விடைபெற்றார்.

போனஸ் அயர்ஸில் 85,000 ரசிகர்கள் முன்னிலையில் அவரது கடைசி ஆட்டம் நடைபெற்றது.

பெனினுக்கு எதிரான ஆட்டத்தில் அர்ஜெண்டினா 3-0 என வென்றது.

39 வயது மெஸ்ஸி தமது கடைசி அனைத்துலக ஆட்டத்திலும் கோல் தந்தார்.

மற்றொரு கோலுக்கும் உதவினார்.

ஆனால் ஆட்டத்தைவிட மெஸ்ஸிக்கான பிரியாவிடையே முக்கியத்துவம் பெற்றது.

ஆட்டத்தின் 10ஆவது நிமிடத்தில் போட்டி நிறுத்தப்பட்டது.

மெஸ்ஸியின் புகழ்பெற்ற 10ஆம் எண் சட்டையை நினைவுகூரும் வகையில் ரசிகர்கள் ஒரு நிமிடம் கரவொலி எழுப்பினர்.

மைதானத்தில் அவருடைய மூன்று பிள்ளைகளும் இருந்தனர்.

போட்டிக்குமுன் நன்றி  என்று எழுதப்பட்ட பிரமாண்டமான 10ஆம் எண் அர்ஜெண்டினா ஜெர்சியுடன் காட்சிப்படுத்தப்பட்டது.

20 ஆண்டுகளுக்கும் மேலாக இந்தச் சட்டையை அணிந்தது எனக்குப் பெருமை என்றார் மெஸ்ஸி.

தேசிய அணியிலிருந்து விடைபெறும் நாள் என் வாழ்க்கையில் மிகவும் சோகமான நாள் என்றும் அவர் கூறினார்.

71ஆவது நிமிடத்தில் கிடைத்த பெனால்ட்டியை கோலாக்கித் தமது பிரியாவிடையை மெஸ்ஸி நிறைவுசெய்தார்.

- பார்த்திபன் நாகராஜன்