மென்செஸ்டர் யுனைடெட் கேரிக்கைப் பணி நீக்கம் செய்தது

லண்டன்:

மோசமான செயல்பாட்டைத் தொடர்ந்து, மென்செஸ்டர் யுனைடெட் அணி அதன் நிர்வாகி மைக்கல் கேரிக்கை இறுதியாகப் பணி நீக்கம் செய்துள்ளது.

அவரைப் பணி நீக்கம் செய்யும் இந்த முடிவை, புகழ்பெற்ற விளையாட்டுப் பத்திரிகையாளர் ஃபேப்ரிசியோ ரொமானோ, எக்ஸ் தளத்தில் ஒரு பதிவின் மூலம் பகிர்ந்து கொண்டார்.

ஒரு காலத்தில் வலிமைமிக்க ஜாம்பவான்களாக இருந்த மென்செஸ்டர் யுனைடெட் அணி, பிரிமியர் லீக் தரவரிசையில் கடைசி இடங்களுக்குத் தள்ளப்பட்டதால், இந்த சீசனின் தொடக்கம் அவர்களுக்கு ஏமாற்றமளிப்பதாக அமைந்துள்ளது.

போர்ஸ்மௌத் அணிக்கு எதிரான 3-0 என்ற கோல் கணக்கிலான தோல்வியைத் தொடர்ந்து, கிளப்பின் உரிமையாளர்களான கிளேசர் குடும்பத்தினர், சர் ஜிம் ராட்க்ளிஃப், அத்துடன் ஓமர் பெர்ராடா, ஜேசன் வில்காக்ஸ் ஆகியோர் கலந்துகொண்ட அவசரக் கூட்டத்திற்குப் பிறகு, கடந்த அக்டோபரில் கேரிக் பணி நீக்கத்திலிருந்து காப்பாற்றப்பட்டார் என்பது குறிப்பிடத்தக்கது.

- பார்த்திபன் நாகராஜன்