பாலிடெக்னிக் மாணவி கழுத்து நெரித்து கொலை: பொறாமை காரணம் என போலிஸ் விசாரணை 

குவாந்தான்: 

உயர்க்கல்விக்கூட மாணவி ஒருவர் கழுத்து நெரித்து கொலை செய்யப்பட்ட சம்பவம் தொடர்பாக விசாரணைக்கு உதவும் பொருட்டு போலிஸ் மூன்று பேரிடமிருந்து வாக்குமூலங்களைப் பதிவு செய்துள்ளது. 

குற்றவியல் சட்டம் செக்‌ஷன் 302இன் கீழ் கொலை வழக்காக இந்த சம்பவம் வகைப்படுத்துள்ளது. வழக்கின் விசாரணைக்கு உதவ பாதிக்கப்பட்டவரின் இதர வீட்டு தோழரை போலிஸ் அழைத்துள்ளதாக குவாந்தான் மாவட்ட போலிஸ் தலைவர் அஷாரி அபு சாமா கூறினார். 

முன்னதாக, அதிகாலை 4.32 மணிக்கு பாதிக்கப்பட்டவரின் காதலரிடமிருந்து இந்தச் சம்பவம் குறித்து காவல்துறைக்கு அவசர அழைப்பு வந்ததாகவும், அதன் பிறகு 19 வயதான சுல்தான் ஹாஜி அஹ்மத் ஷா பாலிடெக்னிக்  மாணவர், அந்த வீட்டின் தரைத்தளத்தில் உள்ள வாடகை அறையில் படுக்கையில் கிடந்த நிலையில் கண்டெடுக்கப்பட்டதாகவும் கூறப்படுகிறது

இதையடுத்து, சம்பவ இடத்தில் 19 வயது இளைஞர் ஒருவரை போலீசார் கைது செய்தனர். மேலும் விசாரணைக்காக, சந்தேக நபர் அடுத்த திங்கட்கிழமை வரை நீதிமன்றக் காவலில் வைக்கப்பட்டுள்ளார்.

-மவித்திரன்