ஜேசுஸ் மீதான ஏமாற்றம் இருந்தபோதிலும் ரொனால்டோ போர்த்துகல் அணிக்கு விசுவாசமாக இருக்கிறார்

மாட்ரிட்:

ஐரோப்பிய தேசிய  லீக் தொடரில் விளையாடும் நேரம் குறித்த தனது வாக்குறுதியை மீறிவிட்டதாக போர்த்துகல் நிர்வாகி ஜார்ஜ் ஜேசுஸ் மீது கிறிஸ்டியானோ ரொனால்டோ குற்றம் சாட்டியுள்ளார்.

ஆனாலும் தனது நாட்டிற்காக விளையாடத் தயாராக இருப்பதாக அவர் வலியுறுத்துகிறார்.

சுமார் 2,000 வார்த்தைகள் கொண்ட ஒரு அறிக்கையில், 41 வயதான அவர் போர்ச்சுகல் அணியை விட்டு வெளியேறியதற்காக மன்னிப்புக் கோரியதோடு, தனது செயல்களுக்காக எந்தவொரு தண்டனையையும் ஏற்கத் தயாராக இருப்பதாகவும் ஒப்புக்கொண்டார்.

இன்று வரை நான் தயாராக இருந்தது போலவே, தேசிய அணியுடன் விளையாடி வெற்றிபெற நான் எப்போதும் தயாராக இருப்பேன் என்று ரொனால்டோ கூறினார்.

நோர்வேக்கு எதிரான போர்த்துகலின் தேசிய லீக் போட்டியில் ஜேசுஸ், ரொனால்டோவை அணியில் சேர்க்கவில்லை. 

டென்மார்க்கிற்கு எதிரான அவர்களின் அடுத்த போட்டிக்கு முன்னதாக, அந்த முன்கள வீரர் தொடக்க அணியில் இடம்பெற மாட்டார் என்று ஜேசுஸ் பின்னர் அறிவித்ததால், ரொனால்டோ அணியை விட்டு வெளியேறினார்.

பயிற்சி முகாமை விட்டு வெளியேறியதற்காக என் அணி வீரர்களிடம் நான் மன்னிப்பு கேட்கக் கடமைப்பட்டுள்ளேன்.

தலைமைப் பயிற்சியாளரின் வார்த்தைகள் மீதான என் நம்பிக்கை முற்றிலுமாகச் சிதைந்துவிட்ட போதிலும், நான் அப்படிச் செய்திருக்கக் கூடாது. முழுப் பொறுப்பும் என்னையே சாரும், என்று அவர் கூறினார்.

- பார்த்திபன் நாகராஜன்