பெர்கேசோ இழப்பீட்டு கோரிக்கை செயலாக்க நேரத்தை சராசரியாக 2.7 நாட்களாகக் குறைத்துள்ளது: டத்தோ கைரூல்

கோலாலம்பூர்:

பெர்கேசோ பல்வேறு பங்களிப்பாளர் நலன்களுக்கான கோரிக்கைகளைச் செயலாக்கும் நேரத்தை, 202இல் சராசரியாக 5.3 நாட்களில் இருந்து, கடந்த ஆண்டு முதல் 2.7 நாட்களாகக் குறைத்துள்ளது.

சேவை வழங்கும் திறனை அதிகரித்ததன் மூலம், வாடிக்கையாளர் சாசனத்திற்கு இணங்க, உகந்த மட்டத்தில் தரநிலைகளை உறுதி செய்வதற்காக இந்த நடவடிக்கை மேற்கொள்ளப்பட்டதாக மனிதவள துணையமைச்சர் டத்தோ கைருல் ஃபிர்தாஸ் அக்பர் கான் கூறினார்.

புகார் செயலாக்கத்திற்கான ஆரம்பகட்ட பதிலளிப்பு நேரமும், 2024இல் மூன்று நாட்களில் இருந்து 2025இல் ஒரு நாளாகக் குறைக்கப்பட்டுள்ளது.

2025-ஆம் ஆண்டு முதல், பணியாளர் பாதுகாப்புத் திட்டம், சுய பாதுகாப்புத் திட்டம் மற்றும் காதல் பாதுகாப்புத் திட்டம் ஆகியவற்றை உள்ளடக்கிய ஒவ்வொரு நலன் விண்ணப்பத்திற்குமான கால அளவு, கடந்த ஆண்டில் சராசரியாக 5.3 நாட்களாக இருந்த நிலையில் இருந்து, 2025-ல் 2.7 நாட்களாகக் குறைக்கப்பட்டுள்ளது என்று அவர் கூறினார்.

பெர்கேசோவின் செயல்பாட்டுத் திறனை மேம்படுத்துவதற்கான சீர்திருத்தங்கள் குறித்தும், இலாட் ஓய்வூதிய விகிதத்திற்கும் தற்போதைய வாழ்க்கைச் செலவிற்கும் இடையிலான பொருத்தமின்மை குறித்தும் கிள்ளான் நாடாளுமன்ற உறுப்பினர் வி. கணபதிராவ் எழுப்பிய கேள்விக்கு பதிலளிக்கும் விதமாக அவர் இவ்வாறு கூறினார்.

- பார்த்திபன் நாகராஜன்