16ஆவது மலாக்கா மாநிலத் தேர்தலுக்கான முக்கிய தேதிகள் நாளை அறிவிக்கப்படும்

புத்ராஜெயா:

தேர்தல் தொடர்பான விஷயங்கள் குறித்து விவாதிப்பதற்காக தேர்தல் ஆணையம் நடத்தும் சிறப்புக் கூட்டத்தில், 16ஆவது மலாக்கா மாநிலத் தேர்தலுக்கான முக்கிய தேதிகள் நாளை அறிவிக்கப்படும்.

செப்டம்பர் 23 அன்று மலாக்கா மாநில சட்டமன்றம் கலைக்கப்பட்டதைத் தொடர்ந்து, தேர்தல் ஆணையத் தலைவர் டத்தோஶ்ரீ ரம்லான் ஹரூண் இக்கூட்டத்திற்குத் தலைமை தாங்குவார்.

இந்தச் சிறப்புக் கூட்டம் நாளை அக்டோபர் 7 அன்று நடைபெறும் என தேர்தல் ஆணையம் உறுதிப்படுத்தியுள்ளது.

தேர்தல் ஆணை தேதி, வேட்புமனு தாக்கல் நாள், வாக்குப்பதிவு நாள், பயன்படுத்தப்படவுள்ள வாக்காளர் பட்டியல்,  16ஆவது மலாக்கா தேர்தலை செயல்படுத்துவதற்கான பிற ஏற்பாடுகள் ஆகியவை விவாதிக்கப்படவுள்ள முக்கிய விடயங்களில் அடங்கும். 

இக்கூட்டத்தின் முடிவானது, மலாக்கா வாக்காளர்கள் தங்களின் புதிய பதவிக்காலத்திற்கான தேர்ந்தெடுக்கப்பட்ட பிரதிநிதிகளைத் தேர்வு செய்வதற்கு முன்பான பிரச்சாரக் காலத்தைத் தீர்மானிக்கும்.

முக்கிய தேதிகளைத் தவிர, வேட்புமனு மையங்கள், வாக்குப்பதிவு மையங்கள் மற்றும் அதில் ஈடுபடும் பணியாளர்கள் உள்ளிட்ட தேர்தல் நிர்வாகத்திற்கான தயாரிப்புகளிலும் கவனம் செலுத்தப்படும்.

தானியங்கி வாக்காளர் பதிவு நடைமுறைப்படுத்தப்பட்டதைத் தொடர்ந்து, இளம் வாக்காளர்கள் உட்பட, தகுதியுள்ள வாக்காளர்களின் எண்ணிக்கையும் ஒரு கவலையாக இருக்கும் என எதிர்பார்க்கப்படுகிறது.

- பார்த்திபன் நாகராஜன்