செய்திகள் தமிழ் தொடர்புகள்
மதுராந்தகம், தாராபுரம் ஆகிய தொகுதிகளில் வாக்குப்பதிவு தொடங்கியது
மதுராந்தகம்:
மதுராந்தகம், தாராபுரம் ஆகிய தொகுதிகளில் இடைத்தேர்தல் வாக்குப்பதிவு இன்று காலை 7 மணி தொடங்கி நடைபெற்று வருகிறது. இந்த வாக்குப் பகுதி மாலை 6 மணி வரை நடைபெறவுள்ளது. தொடர்ந்து வாக்குகள் வரும் 9-ம் தேதி எண்ணப்பட்டு முடிவுகள் அறிவிக்கப்பட உள்ளன.
தமிழகத்தில் மதுராந்தகம், தாராபுரம் ஆகிய தனித்தொகுதிகளில் இடைத்தேர்தலுக்கான அறிவிப்பாணையை கடந்த செப்டம்பர் 7-ம் தேதி தேர்தல் ஆணையம் வெளியிட்டது. இதற்கான வேட்புமனு தாக்கல் செப்டம்பர் 9-ல் தொடங்கி 16-ம் தேதியுடன் முடிவடைந்தது. மதுராந்தகம் தொகுதியில் மரகதம் குமரவேல் (தவெக), பரந்தாமன் (திமுக), கணிதா சம்பத்(அதிமுக), சுகந்தி (மார்க்சிஸ்ட்), ஜானகிராமன் (நாம் தமிழர்) மற்றும் சுயேட்சைகள் உட்பட 27 பேர் களத்தில் உள்ளனர். அதேபோல், தாராபுரம் தொகுதியில் சத்யபாமா(தவெக), சுகன்யா(திமுக), பானுமதி (அதிமுக), லட்சுமணன் (சிபிஐ), கார்த்திகா(நாதக) உட்பட 22 பேர் போட்டியிடுகின்றனர்.

தவெக வேட்பாளர்களை ஆதரித்து முதல்வர் விஜய் மதுராந்தகம், தாராபுரம் தொகுதிகளில் தலா 2 நாட்கள் பிரச்சாரம் செய்தார். திமுக வேட்பாளர்களுக்கு ஆதரவாக அக்கட்சியின் தலைவர் மு.க.ஸ்டாலின், இளைஞரணி செயலாளர் உதயநிதி உள்ளிட்டோரும், அதிமுக வேட்பாளர்களை ஆதரித்து அக்கட்சியின் பொதுச் செயலாளர் பழனிசாமியும் பிரச்சாரம் செய்தனர்.
கம்யூனிஸ்ட் வேட்பாளர்களுக்கு வாக்கு கேட்டு அக்கட்சிகளின் மாநில நிர்வாகிகளும், நாம் தமிழர் கட்சியின் வேட்பாளர்களுக்காக தலைமை ஒருங்கிணைப்பாளர் சீமானும் இரு தொகுதிகளிலும் தீவிர பிரச்சாரம் செய்தனர். இரு தொகுதிகளிலும் தேர்தல் பிரச்சாரம் அக்டோபர் 4-ம் தேதியுடன் நிறைவடைந்தது.
இதையடுத்து இடைத்தேர்தலுக்கான வாக்குப்பதிவு இன்று காலை 7 மணிக்கு தொடங்கியது. காலை முதலே பொதுமக்கள் பலரும் வரிசையில் நின்று ஆர்வமுடன் வாக்களித்து வருகின்றனர். இரு தொகுதிகள் முழுவதும் துணை ராணுவத்தின் பாதுகாப்பு வளையத்துக்குள் கொண்டு வரப்பட்டு பலத்த கண்காணிப்பு ஏற்பாடுகள் மேற்கொள்ளப்பட்டுள்ளன.
இரு தொகுதிகளிலும் அமைக்கப்பட்டுள்ள வாக்குச்சாவடி மையங்களில் பதற்றமானவைகளாக கண்டறியப்பட்டுள்ள வாக்குச்சாவடிகளில் கூடுதல் போலீஸார் மற்றும் தேர்தல் பறக்கும் படையினர் பாதுகாப்பு பணிக்கு நியமிக்கப்பட்டுள்ளனர்.
- ஆர்யன்
தொடர்புடைய செய்திகள்
November 12, 2026, 1:23 pm
ஒன்றிய உள்துறை அமைச்சர் அமித் ஷாவை தமிழக ஆளுநர் சந்திக்கிறார்: சட்ட ஒழுங்கு பிரச்சினை குறித்து விவாதிப்பாரா?
November 6, 2026, 1:54 pm
சென்னையில் இருந்து ஒரே நாளில் 1.70 லட்சம் பேர் அரசுப் பேருந்துகளில் சொந்த ஊர்களுக்குப் பயணம்
November 6, 2026, 11:57 am
குழந்தைகளுக்கு பிடிக்கும் வடிவிலான பட்டாசுகள் நிகழாண்டில் புதிய வரவாக விற்பனைக்கு வந்துள்ளன
November 5, 2026, 9:31 pm
தீபாவளியை முன்னிட்டு நாளை தமிழகத்தில் உள்ள அனைத்து நியாயவிலைக் கடைகளும் இயங்கும்: தமிழக அரசு அறிவிப்பு
November 4, 2026, 10:59 am
முன்னாள் சுகாதார அமைச்சா் சி.விஜயபாஸ்கருக்கு அமலாக்கத் துறை அழைப்பாணை அனுப்பியது
November 2, 2026, 10:31 pm
தீபாவளியை ஒட்டி கூட்ட நெரிசலை தவிர்க்க மேலும் 6 சிறப்பு ரயில்கள் இயக்கப்படும்: தெற்கு ரயில்வே அறிவிப்பு
November 2, 2026, 10:20 pm
கூட்டுறவுத் துறை ஊழியர்களுக்கு 20% வரை தீபாவளி போனஸ்: முதல்வர் விஜய் உத்தரவு
November 1, 2026, 1:46 pm
வாலி பிறந்த நாள் விழாவில் டத்தோ ஸ்ரீ சரவணன் சிறப்புரை
October 31, 2026, 5:52 pm
