குறைந்தபட்ச ஊதிய விவகாரம்: மூன்று விவகாரங்களில் அரசாங்கம் கவனம் செலுத்த வேண்டும்:  ஜொனாதன் வேலா கோரிக்கை 

கோலாலம்பூர்: 

குறைந்தபட்ச ஊதிய அமலாக்கத்தை மறுஆய்வு செய்யும் போது தொழிலாளர்களின் வருமானத்தை உயர்த்தவும், அதே வேளையில் நுண், சிறு மற்றும் நடுத்தர நிறுவனங்களுக்கு (MSMEs) ஆதரவளிக்கவும் அரசாங்கம் மூன்று முக்கிய விஷயங்களில் கவனம் செலுத்த வேண்டும் என்று வலியுறுத்தப்பட்டுள்ளது.

கூட்டவளை பிகேஆர் கட்சியின் வியூக இயக்குநர் ஜோனாதன் வெலா, தெளிவான மாற்றுக் கால அவகாசம், நிறுவனங்களுக்கான நிதி உதவி மற்றும் கள ஆய்வு ஆகியவை இதில் அடங்கும் என்று குறிப்பிட்டுள்ளார்.

எந்தவொரு கட்டப்படியிலான அமலாக்கமும் தொழிலாளர்கள் தங்களின் நிலையைப் புரிந்துகொள்ளவும், முதலாளிகள் தங்களை மாற்றிக்கொள்ளவும் தெளிவான திசைகாட்டியைக் கொண்டிருக்க வேண்டும் என்று அவர் கூறினார்.

தொழிலாளர்களின் பொருளாதார நிலை மேம்படவும், அதே நேரத்தில் சிறு வணிகங்கள் கடுமையாக பாதிக்கப்படாமல் இருக்கவும் இந்த சமநிலை அவசியமானது என அவர் சுட்டிக்காட்டினார்.

மலேசியாவின் தற்போதைய பொருளாதாரச் சூழலைக் கருத்தில் கொண்டு இந்த நடவடிக்கைகளை அரசு துரிதப்படுத்த வேண்டும் என்ற கோரிக்கைகள் வலுத்து வருகின்றன.

இந்த விவகாரம் குறித்த கூடுதல் கருத்துக்களையும் பரிந்துரைகளையும் சம்பந்தப்பட்ட தரப்பினர் தொடர்ந்து முன்வைத்து வருவது குறிப்பிடத்தக்கது.

-மவித்திரன்