யூஐடிஎம் ஹோல்டிங்ஸ் முன்னாள் தலைமைச் செயல் அதிகாரி மீது 37.37 மில்லியன் ரிங்கிட் குற்றவியல் நம்பிக்கை மீறல் குற்றச்சாட்டு

ஷாஆலம்:

யூஐடிஎம் ஹோல்டிங்ஸ்  நிறுவனத்தின் முன்னாள் தலைமைச் செயல் அதிகாரியான  53 வயதான அஸ்லிசான் ஃபட்சில், ஒன்பது ஆண்டுகளுக்கு முன்பு நடந்த 37.37 மில்லியன் ரிங்கிட் மதிப்புள்ள குற்றவியல் நம்பிக்கை மீறல் குற்றச்சாட்டில், இன்று இங்குள்ள செஷன்ஸ் நீதிமன்றத்தில் குற்றமற்றவர் என வாதிட்டார்.

சக்கர நாற்காலியில் இருக்கும் அஸ்லிசான், நீதிபதி டத்தோ முகமது நசீர் நோர்டின் முன்னிலையில் குற்றச்சாட்டு வாசிக்கப்பட்ட உடனேயே தன்னை விசாரிக்க வேண்டும் என்று கோரினார்.

நான் குற்றமற்றவன் என வாதிடுகிறேன், என்று குற்றவாளிக் கூண்டிற்கு வெளியே அமர அனுமதிக்கப்பட்ட அவர் கூறினார்.

குற்றச்சாட்டின் அடிப்படையில், யூஐடிஎம் ஹோல்டிங்ஸின் தலைமைச் செயல் அதிகாரியான அஸ்லிசானிடம், பகாங்கின் கம்பாங்கில் 50 மெகாவாட் திறன் கொண்ட ஒரு பெரிய அளவிலான சூரிய ஒளிமின்னழுத்த மின் உற்பத்தி நிலையத்தை மேம்படுத்துவதற்கான முதலீட்டு நோக்கங்களுக்காக ஒதுக்கப்பட்ட 37,374,612.68 ரிங்கிட் தொகையின் கட்டுப்பாடு ஒப்படைக்கப்பட்டது.

சம்பந்தப்பட்ட திட்டத்தை, அதன் உண்மையான நோக்கத்தைத் தவிர வேறு காரணங்களுக்காகப் பல்வேறு கொடுப்பனவுகளைச் செய்து நேர்மையற்ற முறையில் தவறாகப் பயன்படுத்தியதன் மூலம், குற்றவியல் நம்பிக்கை மீறல் குற்றச்சாட்டின் கீழ் அவர் மீது வழக்கு பதிவு செய்யப்பட்டுள்ளது.

- பார்த்திபன் நாகராஜன்