தாமன் ஸ்ரீ மூடா வெள்ளப் பேரழிவுக்கு புத்ராஜெயா, சிலாங்கூர் அதிகாரிகள்தான் பொறுப்பு: உயர் நீதிமன்றம் தீர்ப்பு 

கோலாலம்பூர்: 

பேரிடர் மேலாண்மையில் ஏற்பட்ட அலட்சியம், திறம்பட பதிலளிக்கத் தவறியதைக் காரணம் காட்டி, தாமன் ஸ்ரீ மூடாவில் 2021-ஆம் ஆண்டு ஏற்பட்ட வெள்ளத்தால் ஏற்பட்ட சேதங்களுக்கு மலேசிய அரசாங்கமே பொறுப்பு ஏற்கவேண்டும் என ஷா ஆலம் உயர் நீதிமன்றம் தீர்ப்பளித்துள்ளது.

NADMA, METMalaysia உள்ளிட்ட மத்திய மற்றும் உள்ளூர் அமைப்புகள், தங்களின் பேரிடர் மேலாண்மைக் கடமைகளை நிறைவேற்றவில்லை என்றும், செயல்பாட்டுக் குறைபாடுகள் நெருக்கடியை மேலும் மோசமாக்கியுள்ளன என்றும் நீதித்துறை ஆணையர் ஷோபா ராஜா துரை ராஜா தீர்ப்பளித்தார்.

"தெய்வச் செயல்" என்ற தற்காப்பு வாதத்தை நீதிமன்றம் நிராகரித்ததுடன், நியாயமான தலையீடு இருந்திருந்தால் பேரிடரின் தீவிரத்தைக் குறைத்திருக்க முடியும் என்பதையும் நீதிமன்றம் சுட்டிக்காட்டியது. 

- பார்த்திபன் நாகராஜன்