கிள்ளான் பள்ளத்தாக்கில் மீண்டும் தீவிரமடையும் புகைமூட்டம்

பெட்டாலிங் ஜெயா: 

கிள்ளான் பள்ளத்தாக்கில் இன்று காலை வேளையில் புகைமூட்டமாக காணப்பட்டதாக தகவல்கள் தெரிவிக்கின்றன 

இந்தோனேசியா, களிமந்தானில் ஏற்பட்டுள்ள தீ காரணமாக கோலாலம்பூர், சிலாங்கூர் மாநிலங்களில் புகைமூட்டம் மீண்டும் தீவிரமடைந்துள்ளது 

சிலாங்கூரில் ஜொஹான் செத்தியா பகுதியில் காற்றின் தரம் 161ஆக பதிவு செய்யப்பட்ட நிலையில் ஷா ஆலாமில் 156ஆக பதிவானது 

மேலும், புத்ராஜெயாவில் காற்றின் தரம் 154ஆகவும் கோலாலம்பூர், பத்துமூடாவில் காற்றின் தரம் 100க்கும் குறைவாக பதிவு செய்யப்பட்டது என்று சுற்றுச்சூழல் துறை தெரிவித்தது 

நாட்டில் மொத்தம் 27 இடங்களின் காற்று மாசு குறியீடு ஆரோக்கியமற்ற நிலையில் பதிவாகியுள்ளது. அதில் சரவாக்கின் செரியான் பகுதியில் காற்றின் தரம் 174ஆக பதிவாகி மிக ஆரோக்கியமற்ற நிலையில் பதிவானது 

கிள்ளான் பள்ளத்தாக்கில் காற்றின் தரம் மீண்டும் மோசமடைந்துள்ளதால் பொதுமக்கள் எச்சரிக்கையுடன் இருக்க அறிவுறுத்தப்பட்டுள்ளனர்.

-மவித்திரன்