​​ஒரு நாட்டின் எதிர்காலம் என்பது நம்மிடம் உள்ள இயந்திரங்களின் நவீனத்தன்மை, மூலதனத்தின் அளவு ஆகியவற்றால் மட்டுமே தீர்மானிக்கப்படுவதில்லை; மனிதர்களையும் விழுமியங்களையும் உயர்த்துவதே உண்மையான வளர்ச்சியாகும்: பிரதமர் டத்தோஸ்ரீ அன்வார்

ஷாங்காய்: 

ஒரு நாட்டின் எதிர்காலம் என்பது நம்மிடம் உள்ள இயந்திரங்களின் நவீனத்தன்மை, மூலதனத்தின் அளவு அல்லது தொழில்நுட்ப வளர்ச்சியின் வேகம் ஆகியவற்றால் மட்டுமே தீர்மானிக்கப்படுவதில்லை என்பதை 'WorldSkills Shanghai 2026' நிகழ்வில் எனது சிறப்புரை  ஆற்றும்போது பிரதமர் டத்தோஸ்ரீ அன்வார் இப்ராஹிம் கூறினார். 

நாட்டின் வளர்ச்சியின் முக்கிய காரணி மனிதர்களே; அதாவது, நாம் கொண்டிருக்கும் அறிவு, நாம் வளர்த்துக்கொள்ளும் திறன்கள், நமது ஒவ்வொரு செயலையும் வழிநடத்தும் விழுமியங்கள் ஆகியவையே தீர்மானிக்கும் காரணிகளாக அமைகின்றன என்று அவர் சுட்டிக்காட்டினார்.

எனவே, இந்த விழிப்புணர்வுடன், மலேசியா தனது TVET 2.0 திட்டத்தை - குறிப்பாக செயற்கை நுண்ணறிவு, குறைக்கடத்திகள் (semiconductors), புதுப்பிக்கத்தக்க எரிசக்தி ஆகிய துறைகளில் - பயிற்சியை தொழில்சார் நிறுவனங்கள் மூலம் வலுப்படுத்தி வருகிறது. மாற்றத்தின் வெறும் உழைப்பாளர்களாக மட்டும் இளைஞர்கள் இருக்கக்கூடாது; மாறாக, மாற்றத்தைக் கையாளும் திறன் கொண்டவர்களாகவும், அதன் மூலம் நாட்டின் திசையையும் எதிர்காலத்தையும் வடிவமைப்பதில் பங்கேற்கும் தலைமுறையாகவும் அவர்கள் திகழ வேண்டும் என்பதே எங்கள் விருப்பம் என்று பிரதமர் கூறினார்.

ஷாங்காயில் 22 திறன் சார்ந்த பிரிவுகளில் போட்டியிட்ட 22 மலேசிய இளைஞர்களிடம் நான் ஒரு செய்தியைத் தெரிவிக்க விரும்புகிறேன்: உங்கள் மீது எனக்குப் பெருமை உள்ளது. நாம் போராடுவது வெற்றிக்காக மட்டுமல்ல; உலகின் சிறந்தவர்களுடன் போட்டியிடும் துணிச்சல், அனுபவத்திலிருந்து கற்றுக்கொள்ளும் மனப்பான்மை, நாட்டின் தரம், நம் நிலையை உயர்த்துவதற்கான உறுதியுடன் தாயகம் திரும்புதல் ஆகியவற்றுக்காகவுமே நாம் போராடுகிறோம்.

விழுமியங்கள் இல்லாத திறன்கள் சமச்சீரற்ற வளர்ச்சியையே உருவாக்கும். தொழில்நுட்பத்தை நிர்வகிப்பதிலும் கையாள்வதிலும் புத்திசாலித்தனமாகவும் திறமையாகவும் செயல்படுவதுடன், நீதி உணர்வு, மனித கண்ணியம், குடும்பம், சமூகம், நாட்டின் மீதான பொறுப்புணர்வு ஆகியவற்றைக் கொண்ட ஒரு தலைமுறையை நாங்கள் விரும்புகிறோம். 

தொழில்நுட்பம் மனிதர்களையும் விழுமியங்களையும் உயர்த்துவதே உண்மையான வளர்ச்சியாகும்; மாறாக, அவை தொழில்நுட்பத்திற்கு அடிபணிவதல்ல என்று பிரதமர் தனதுரையில் தெரிவித்தார். 

- ஃபிதா