துங்கு நட்ஸருடினுடனான நெகிரி செம்பிலான் மந்திரி புசார்,  ஆட்சிக் குழு உறுப்பினர்களின் சந்திப்பு பாதுகாப்புக் காரணங்களால் ரத்து

சிரம்பான்:

நெகிரி செம்பிலான் மந்திரி புசார் டத்தோ இஸ்மாயில் லாசிம்,  ஆட்சிக் குழு உறுப்பினர்கள், துங்கு நட்ஸருதீன் துவாங்கு ஜாஃபருடன் இன்று காலை நடத்தவிருந்த சந்திப்பு, பாதுகாப்புக் காரணங்களால் ரத்து செய்யப்பட்டுள்ளது.

அதிகாரிகளின் அறிவுறுத்தலின் பேரில், தற்போதைய சூழ்நிலை, பாதுகாப்பு அம்சங்களைக் கருத்தில் கொண்டு இந்த முடிவு எடுக்கப்பட்டதாக வட்டாரங்கள் தெரிவித்தன.

அதிகாரிகளிடமிருந்து அறிவுரை பெற்ற பிறகு, ஹோட்டலில் நடைபெறவிருந்த சந்திப்பு பாதுகாப்புக் காரணங்களால் ரத்து செய்யப்பட்டது.

முன்னதாக மந்திரி புசார்,  ஆட்சிக் குழு உறுப்பினர்கள்,  துங்கு நட்ஸருடின் ஆகியோரை அறிமுகம் செய்துகொள்வதற்கும், அவர்களுக்கிடையேயான உறவை வலுப்படுத்துவதற்கும், இந்த சந்திப்பு காலை 9 மணிக்கு துவாங்கு ஜாபர் ராயல் கேலரியில் நடைபெறவிருந்தது.

இந்நிலையில் பாதுகாப்பு காரணங்களால் இச்சந்திப்பு ரத்தானது என கூறப்படுகிறது.

- பார்த்திபன் நாகராஜன்