பிரதமர் டத்தோஶ்ரீ அன்வாருக்கு எதிரான அவதூறு அறிக்கையை அவாங் ஹஷிம் திரும்பப் பெற்றார்

கோலாலம்பூர்:

பெண்டாங் நாடாளுமன்ற உறுப்பினர் டத்தோ அவாங் சொலாஹுதீன் ஹாஷிமுக்கு எதிராக பிரதமர் டத்தோஶ்ரீ அன்வார் இப்ராஹிம் தாக்கல் செய்த அவதூறு வழக்கு, இன்று இங்குள்ள உயர் நீதிமன்றத்தில் சுமூகமாகத் தீர்க்கப்பட்டது.

வாதியாக அன்வாருக்காக ஆஜரான வழக்கறிஞர் டத்தோ எஸ்.என். நாயர், இரு தரப்பினரும் ஒப்புக்கொண்ட நிபந்தனைகளின் பேரில் இந்த வழக்கு தீர்க்கப்பட்டதாக நீதிபதி ரோஸ்லான் மாட் நோரிடம் தெரிவித்தார்.

இரு தரப்பினரும் ஒப்புக்கொண்ட நிபந்தனைகளைப் பதிவு செய்ய விரும்புகிறார்கள். இது தொடர்பாக, வாதி இந்த சட்ட நடவடிக்கையை செலவுகள் குறித்த உத்தரவு இல்லாமலும், மீண்டும் தாக்கல் செய்வதற்கான அனுமதி இல்லாமலும் திரும்பப் பெறுகிறார்.

இரு தரப்பினரும் ஒப்புக்கொண்ட பொது அறிக்கையின் நகலை இந்த ஒப்புதல் மனுவுடன் இணைத்துள்ளனர். நீதிமன்றத்திற்கும் எங்கள் கற்றறிந்த நண்பர்களுக்கும் நன்றி.

விசாரணைக்காக நிர்ணயிக்கப்பட்ட தேதியை ரத்து செய்யுமாறு நீதிமன்றத்தைக் கேட்டுக்கொள்கிறேன் என்று வழக்கறிஞர் கூறினார்.

- பார்த்திபன் நாகராஜன்