சென்னையில் டெங்கி காய்ச்சல் வேகமாக பரவி வருகிறது

சென்னை:

தமிழகத்தில் டெங்கி காய்ச்சலால் தினமும் 200-க்கும் மேற்பட்டோர் பாதிக்கப்பட்டு வருகின்றனர். அரசு, தனியார் மருத்துவமனைகளில் 2,000 பேர் சிகிச்சை பெற்று வருகின்றனர். சென்னையில் காய்ச்சல் வேகமாக பரவி வருகிறது. 

டெங்கி காய்ச்சல் தடுப்பு, பருவமழை முன்னெச்சரிக்கை நடவடிக்கைகளை தீவிரப்படுத்த முதல்வர் விஜய் உத்தரவிட்டுள்ளார்.

டெங்கி காய்ச்சலைப் பரப்பும் ‘ஏடிஸ் - எஜிப்டை’ வகை கொசுக்களின் பெருக்கம் அதிகரிப்பதால், தமிழகத்தில் டெங்கி காய்ச்சலால் பாதிக்கப்படுவோர் எண்ணிக்கை தொடர்ந்து அதிகரித்து வருகிறது. சராசரியாக தினமும் 200-க்கும் மேற்பட்டோர் டெங்குவால் பாதிக்கப்பட்டு வருகின்றனர்.

நேற்று முன்தினம் சென்னையில் 79 பேர் உட்பட மாநிலம் முழுவதும் 228 பேர் பாதிக்கப்பட்டுள்ளனர்.

சென்னையில் இந்த மாதத்தில் மட்டும் 900-க்கும் மேற்பட்டோர் டெங்கு பாதிப்புக்கு ஆளாகியுள்ளனர். நடப்பு ஆண்டில் இதுவரை தமிழகத்தில் 17,277 பேர் டெங்கு காய்ச்சலால் பாதிக்கப்பட்டுள்ளனர்.

- ஆர்யன்