மாலத்தீவில் முன்மொழியப்பட்ட எண்ணெய் ஆய்வு குறித்து பெட்ரோனாஸுடன் விவாதிக்கப்படும்: பிரதமர்

மாலே:

மலேசியாவின் உலகளாவிய எண்ணெய் நிறுவனமான பெட்ரோனாஸ், மாலத்தீவில் எண்ணெய் ஆய்வு மேற்கொள்வதற்கான சாத்தியக்கூறுகளை ஆராய்வது குறித்த ஒரு முன்மொழிவு பற்றி அந்நிறுவனத்துடன் விவாதிக்கப்படும்.

பிரதமர் டத்தோஶ்ரீ அன்வார் இப்ராஹிம் இதனை கூறினார்.

பெட்ரோனாஸின் திறன்கள், சர்வதேச அளவில் எண்ணெய் மற்றும் எரிவாயுத் துறையில் அந்நிறுவனத்திற்கு உள்ள விரிவான அனுபவத்தின் மீது அவர்  நம்பிக்கை தெரிவித்தார்.

மாலத்தீவில் எண்ணெய் ஆய்வு செய்வதற்கான சாத்தியக்கூறுகளை பெட்ரோனாஸ் ஆராய்வது குறித்த முன்மொழிவு தொடர்பாக, நான் இந்த விஷயத்தை பெட்ரோனாஸுடன் விவாதிக்க வேண்டும்.

மேலும், கனடா முதல் துர்க்மெனிஸ்தான் மற்றும் சூடான் வரையிலும், அத்துடன் சுரினாம், பெரு மற்றும் பிரேசில் வரையிலும் உலகம் முழுவதும் பெட்ரோனாஸின் தற்போதைய பலத்தின் மீது எனக்கு நம்பிக்கை உள்ளது.

அதன் சிறகுகளை இங்கு, அதாவது மாலத்தீவிற்கு, விரிவுபடுத்துவது ஒரு பெரிய பிரச்சனையாக இருக்காது என்பது என் கருத்து.

இன்று இங்குள்ள அதிபர் அலுவலகத்தில், மாலத்தீவு அதிபர் முகமது முய்ஸுவுடன் இணைந்து நடத்திய செய்தியாளர் சந்திப்பில் டத்தோஶ்ரீ அன்வார் இதைத் தெரிவித்தார்.

- பார்த்திபன் நாகராஜன்