ஹஜ் செலவைக் குறைக்க முயன்றேன்: ஜமீல் கிர்

கோலாலம்பூர்:

தாபோங் ஹாஜியை நிர்வகிக்கும்போது, ​​சிறந்த விலையைப் பெறுவதற்காகவும், அதன் மூலம் ஹஜ் செலவைக் குறைப்பதற்காகவும், ஹோட்டல்களை நீண்ட காலத்திற்கு ஒப்பந்தம் செய்யும் முடிவு எடுக்கப்பட்டது.

முன்னாள் மத விவகாரங்கள் துறை அமைச்சர் ஜமீல் கிர் இதனை கூறினார்.

இன்று நீதிமன்றத்தில் குற்றம் சாட்டப்பட்ட பிறகு செய்தியாளர்களிடம் பேசிய அவர்,

ஹஜ் யாத்ரீகர்களின் விவகாரங்களில் தங்குமிடம் ஒரு முக்கியமான விஷயம் என்று கூறினார்.

கடந்த காலத்தில், விலையில் ஒரு பலனைப் பெறுவதற்காக அல்லது ஹஜ்ஜின் செலவைக் குறைப்பதற்காக சிறந்த விலையை உறுதி செய்வதற்காக, ஹோட்டல்களை நீண்ட காலத்திற்கு ஒப்பந்தம் செய்யும் அணுகுமுறையை நான் கையாண்டேன் என்று அவர் கூறினார்.

தாபோங் ஹாஜி ஹோட்டல் வாடகை தொடர்பான தன் மீதான குற்றச்சாட்டு, 2018இல் தொடங்கி அது குறித்த அதிகாரப்பூர்வ அறிவிப்பு வரும் வரை நீடித்த, தாபோங் ஹாஜி மீதான அரச விசாரணை ஆணையம் தொடர்பான வழக்குகளின் நீண்ட பயணத்தின் முடிவு என்று ஜமீல் கூறினார்.

- பார்த்திபன் நாகராஜன்