தைப்பிங் மருத்துவமனையில் பயிற்சி மருத்துவர்கள் இல்லை என்ற கூற்று தவறானது; தற்போது 93 பேர் பயிற்சி பெற்று வருகிறார்கள்: டத்தோ சிவநேசன் விளக்கம்

தைப்பிங்:

தைப்பிங் மருத்துவமனையில் பயிற்சி மருத்துவர்கள் இல்லை என்ற கூற்றுகளை பேராக் அரசின் சுகாதாரத்துறை ஆட்சிக்குழு உறுப்பினர் சிவநேசன் மறுத்துள்ளார். 

மருத்துவமனையில் உள்ள 231 இடங்களில் 93 பயிற்சி மருத்துவர்கள் நியமிக்கப்பட்டு, தற்போது 40.3% வேலைவாய்ப்பு விகிதம் உள்ளதாக அது தெளிவுபடுத்தியுள்ளது.

138 பயிற்சி மருத்துவர்கள் பற்றாக்குறை இருந்தாலும், யாரும் அங்கு அறவே இல்லை என்று கூறுவது தவறானது என டத்தோ ஏ. சிவனேசன் வலியுறுத்தினார்.

பொதுமக்களிடையே பீதியைத் தவிர்க்க, சுகாதாரப் பிரச்சினைகள் குறித்த செய்திகளைத் துல்லியமாக வெளியிடுவதை ஊடகங்கள் உறுதி செய்ய வேண்டும் என்றும் அவர் கேட்டுக்கொண்டார்.

மருத்துவமனையில் மேம்படுத்த வேண்டிய பகுதிகள் உள்ளன என்பதை சிவனேசன் ஒப்புக்கொண்டாலும், செய்திகளை வெளியிடுவதற்கு முன்பு உண்மைகளைச் சரிபார்ப்பதன் முக்கியத்துவத்தை அவர் வலியுறுத்தினார்.

- பார்த்திபன் நாகராஜன்