ராஜா பெர்மைசுரி பைனூன் மருத்துவமனையின் குழந்தைகள் வார்டில் தீ: ஊழியர்களின் துரித செயல்பாட்டால் விரைவாக அணைக்கப்பட்டது

ஈப்போ:

ஈப்போவில் உள்ள ராஜா பெர்மைசுரி பைனூன் மருத்துவமனையின் குழந்தைகள் வார்டில், சுவாசக் குழாய் உலர்த்தும் கருவியில் (respiratory tube dryer) ஏற்பட்ட தீயை, தீயணைப்புப் படையினர் வருவதற்கு முன்பாகவே மருத்துவமனை ஊழியர்கள் விரைவாக அணைத்தனர்.

இச் சம்பவத்தில் அக் குறிப்பிட்ட கருவி 15 சதவீதம் சேதமடைந்தாலும், யாருக்கும் எந்தவிதமான காயமோ உயிரிழப்போ ஏற்படவில்லை.

ஊழியர்கள் கார்பன்-டை-ஆக்சைடு (CO2) தீயணைப்பான்களைப் பயன்படுத்தித் தீயை அணைத்த பிறகு, தீயணைப்புப் படையினர் அந்த அறையில் காற்றோட்டத்தை ஏற்படுத்தி, தற்போது ஆபத்துகள் ஏதுமில்லை என்பதை உறுதிப்படுத்தினர்.

- பார்த்திபன் நாகராஜன்