11 ஆண்டுக்கால காத்திருப்பு முடிவுக்கு வந்தது: புதிய சுங்கை பாக்காப் தமிழ்ப்பள்ளி கட்டப்படுகிறது: ஃபட்லினா

நிபோங் திபால்:

சுங்கை பாக்காப் தமிழ்ப்பள்ளிக்காக புதிய கட்டிடத்திற்காகக் காத்திருந்த 11 ஆண்டு கால காத்திருப்பு, 12.6 மில்லியன் ரிங்கிட் ஒதுக்கீட்டில் கட்டுமானத் திட்டம் தொடங்கப்பட்டதன் மூலம் இறுதியாக நனவாகியுள்ளது.

நேற்று நடைபெற்ற அடிக்கல் நாட்டு விழாவின் மூலம் சமூகத்தின் நீண்ட காத்திருப்புக்கு முற்றுப்புள்ளி வைக்கபட்டதாக கல்வியமைச்சர் டத்தோஶ்ரீ ஃபட்லினா சிடேக் கூறினார்.

இந்தத் திட்டத்தின் செயலாக்கம் தொடங்குவதற்கு முன்பு பல்வேறு தடைகளையும் ஒரு நீண்ட செயல்முறையையும் கடந்து வந்துள்ளது.

ஒரு பள்ளி காத்திருப்பதற்கு 11 ஆண்டுகள் என்பது ஒரு குறுகிய காலம் அல்ல.

2015 முதல், சுங்கை பாக்காப் மக்கள்  இந்தப் புதிய பள்ளிக்காகக் காத்திருந்தது. தடைகள் இருந்தன. இது ஒரு நீண்ட செயல்முறை, மேலும் பலமுறை முன்வைக்கப்பட வேண்டிய நம்பிக்கைகளும் உள்ளன என்று அவர் கூறினார்.

தனது நாடாளுமன்றத் தொகுதியில் உள்ள சமூகத்தின் ஒரு பகுதியாக இருக்கும் குறிப்பிட்ட சமூகத்தினரின் நம்பிக்கைகளைத் தாம் புரிந்து கொள்வதாகக் கூறினார்.

புதிய பள்ளி என்பது கல்வி வசதிகளை வழங்குவது மட்டுமல்ல, உள்ளூர் சமூகத்தின் கலாச்சாரமும் பாரம்பரியமும் எதிர்கால சந்ததியினருக்குத் தொடர்ந்து கடத்தப்படுவதை உறுதி செய்வதற்கான ஒரு முக்கிய இடமாகவும் உள்ளது.

ஏனென்றால், நான் கல்வியமைச்சராக மட்டுமல்ல, இந்தப் பகுதியில் உள்ள ஒவ்வொரு சமூகத்தையும் கவனித்துக்கொள்ளும் பொறுப்பு ஒப்படைக்கப்பட்ட நிபோங் திபால் நாடாளுமன்ற உறுப்பினராகவும் இருக்கிறேன்," என்று அவர் கூறினார்.

புதிய சுங்கை பாக்காப் தமிழ்ப்பள்ளியில் ஆறு வகுப்பறைகள், ஒரு மைதானம்,  பல்வேறு முழுமையான பள்ளி வசதிகள் அமைக்கப்படும்.

இந்தத் திட்டம் 2027ஆம் ஆண்டில் நிறைவடையும் என்று எதிர்பார்க்கப்படுகிறது.

பள்ளியின் கட்டுமானத்தை நனவாக்குவதற்கான நிதி ஒதுக்கீட்டிற்கு ஒப்புதல் அளித்த பிரதமர் டத்தோஶ்ரீ அன்வார் இப்ராஹிமுக்கு ஃபட்லினா தனது நன்றியையும் தெரிவித்தார்.

இந்த ஒதுக்கீட்டிற்கு ஒப்புதல் அளித்த பிரதமருக்கு நன்றி. இந்தத் திட்டம் இறுதியாகத் தொடங்கப்படும் வரை உழைத்த அனைத்துத் தரப்பினருக்கும் நன்றி என்று அவர் கூறினார்.

- பார்த்திபன் நாகராஜன்