நம்பிக்கை கூட்டணி அழைக்கப்படவில்லை; பாஸ் அழைக்கப்பட்டது: ஜாஹித்

கோலாலம்பூர்:

வரும் செப்டம்பர் 9 முதல் 12 வரை நடைபெறவுள்ள 2026 அம்னோ பொது பேரவைக்கு நம்பிக்கை கூட்டணி தலைமையை அம்னோ அழைக்கவில்லை.

அம்னோவின் தலைவர் டத்தோஸ்ரீ அஹ்மத் ஜாஹித் ஹமிடி இதனை கூறினார்.

கடந்த வார இறுதியில் கிளந்தானின் கோத்தாபாருவில் நடைபெற்ற 72ஆவது பாஸ் மாநாட்டிற்கு அம்னோ கட்சி விடுத்த அழைப்பிற்குப் பதிலாக பாஸ் கட்சி அழைக்கப்பட்டது.

பாஸ் எங்களை அழைத்தால், நாங்கள் அவர்களை அழைப்போம் என்று அவர் கூறினார்.

முன்னதாக கடந்த மே மாதம் ஜொகூரில் நடைபெற்ற 2026 நம்பிக்கை கூட்டணி மாநாட்டிற்கு தேசிய முன்னணி அழைக்கப்படவில்லை.

ஆகஸ்ட் மாதம் மலாக்காவில் நடைபெற்ற கெஅடிலான் மாநாட்டிற்கும் தேசிய முன்னணி அழைக்கப்படவில்லை.

முன்னதாக, 2026 அம்னோ கூட்டத்தில் கலந்துகொள்ள பாஸ் கட்சியின் உயர்மட்டத் தலைவர்களை அழைக்கும் முடிவு, அம்னோ உச்ச செயற்குழு  கூட்டத்தில் ஏற்றுக்கொள்ளப்பட்டதாக அம்னோ பொதுச்செயலாளர் அஷ்ராப் வஜ்டி துசுகி அறிவித்தார்.

குறிப்பாக 16ஆவது பொதுத் தேர்தலுக்கு  முன்னதாக, இந்த முறை பேரவை எந்தவொரு கூட்டணியுடனும் ஒத்துழைப்பது குறித்து எந்த முடிவும் எடுக்காது என்று டத்தோஸ்ரீ அஹ்மத் ஜாஹித் கூறினார்.

- பார்த்திபன் நாகராஜன்