முதியவர்களுக்கான சட்டத் திருத்த மசோதா: அடுத்த ஆண்டு தொடக்கத்தில் நாடாளுமன்றத்தில் தாக்கல் செய்யப்படும்

புத்ராஜெயா: 

முதியவர்களுக்கான சட்டத்திருத்த மசோதா அடுத்த ஆண்டு தொடக்கத்தில் நாடாளுமன்றத்தில் தாக்கல் செய்யப்படும் என்று மகளிர், குடும்ப மேம்பாட்டு துறை அமைச்சர் டத்தோஶ்ரீ நென்சி சுக்ரி கூறினார். 

சட்ட வரைவு உண்மையில் தயாராகிவிட்டது, ஆனால் அரசு சாரா நிறுவனங்கள்  மற்றும் மாநில அரசுடன் நடத்தப்பட்ட கலந்துரையாடல் அமர்வுகளின் விளைவாக, அதில் சேர்ப்பதற்காகப் பல புதிய விடயங்கள் எழுப்பப்பட்டதால், இந்தச் செயல்முறைக்குக் கூடுதல் காலம் பிடித்தது என்று அவர் குறிப்பிட்டார். 

சமூகநல துறையின் 80ஆம் ஆண்டு விழாவில் கலந்து கொண்ட பிறகு அமைச்சர் செய்தியாளர்களிடம் இவ்விபரங்களைப் பகிர்ந்து கொண்டார். 

இந்த சட்டமசோதா முழுமையாக பரிசீலிக்கப்பட்டு அடுத்த கட்டத்திற்குக் கொண்டு செல்வதற்கு முன் இறுதி வடிவம் எடுக்கப்படும் என்று அவர் சொன்னார்.

-மவித்திரன்