நெகிரி செம்பிலான் அரசாங்கத்தின் ஆட்சிக் குழு உறுப்பினர்களின் நியமனத்தை துவாங்கு முஹ்ரிஸ் உடனடியாக ரத்து செய்தார்

சிரம்பான்:

நெகிரி செம்பிலானின் யாங் டி-பெர்டுவான் பெசார் துவாங்கு முஹ்ரிஸ் துவாங்கு முனாவிர், ஆட்சிக் குழு உறுப்பினர்களின் நியமனத்தை உடனடியாக ரத்து செய்துள்ளார்.

நெகிரி செம்பிலான் அரண்மனையின் அரச குடும்பத்தின் கட்டுப்பாட்டாளர் டத்தோ அஜிஜி முஹம்மது அலி வெளியிட்ட அறிக்கையின்படி,

சம்பந்தப்பட்ட அனைத்து செயற்குழு உறுப்பினர்களும் தங்கள் பதவிப் பிரமாணத்தை மீறியது கண்டறியப்பட்டதை அடுத்து இந்த முடிவு எடுக்கப்பட்டது.

1959 ஆம் ஆண்டு நெகிரி செம்பிலான் அரசியலமைப்பின் XXXVIII(5) பிரிவின்படி, யாங் டி-பெர்டுவான் பெசார் விரும்பும் வரை ஒரு அரச செயற்குழு உறுப்பினர் பதவியில் இருப்பார் என்று அவர் கூறினார்.

நெகிரி செம்பிலான் செயற்குழுவிற்கு நியமிக்கப்படுவதற்கு முன்பு, சம்பந்தப்பட்ட உறுப்பினர்கள் ஒவ்வொருவரும் ஆகஸ்ட் 7 ஆம் தேதி பதவிப் பிரமாணம் எடுத்து, விசுவாச உறுதிமொழியில் கையெழுத்திட்டனர்.

அவர்கள் யாங் டி-பெர்டுவான் பெசாருக்கும் அரச நிறுவனத்திற்கும் விசுவாசப் பிரமாணம் செய்து, நெகிரி செம்பிலான் அரசியலமைப்பின் இறையாண்மையைப் பாதுகாத்து நிலைநிறுத்தவும், நெகிரி செம்பிலான் நீதி மற்றும் சட்ட அவைக்கு வழங்கப்பட்ட அதிகாரங்களை அங்கீகரிக்கவும் உறுதிமொழி எடுத்துள்ளனர் அந்த அறிக்கையில் கூறப்பட்டுள்ளது.

- பார்த்திபன் நாகராஜன்