நெகிரி செம்பிலான் மாநில ஆட்சிக்குழு உறுப்பினர்கள் வழக்கம் போல் தங்களின் பணியை மேற்கொள்வார்கள்: மந்திரி பெசார் இஸ்மாயில் லாசிம் திட்டவட்டம் 

சிரம்பான்: 

நெகிரி செம்பிலான் மாநிலத்தின் ஆட்சிக்குழு உறுப்பினர்களின் பதவி நியமனங்கள் திடீரென்று இரத்து செய்யப்பட்டுள்ளது 

நெகிரி செம்பிலான் ஆட்சியாளர், துவாங்கு முஹ்ரிஸ் துவாங்கு முனாவீரின் செயல் என்பது சட்டத்திற்கு அப்பாற்பட்டது 

மந்திரி பெசார் என்ற முறையில் தன்னிடம் ஆலோசனையைப் பெற்றிருக்க வேண்டும் என்று  மந்திரி பெசார் இஸ்மாயில் லாசிம் தெரிவித்தார் 

நெகிரி செம்பிலான் மாநில அரசியலமைப்பின் விதி 38இன் கீழ் மாநில ஆட்சியாளர் நடந்து கொள்ளவில்லை என்று அவர் குற்றஞ்சாட்டினார். 

இந்நிலையில் ஆட்சியாளரின் இந்த செயல் சட்டப்பூர்வமானது இல்லை என்றும் நியமிக்கப்பட்ட மாநில ஆட்சிக்குழு உறுப்பினர்கள் தொடர்ந்து தங்களின் பணியைத் தொடர்வார்கள் என்று அவர் சொன்னார் 

முன்னதாக, நெகிரி செம்பிலான் மாநிலத்தின் அனைத்து ஆட்சிக்குழு உறுப்பினர்களின் பதவி நியமனத்தையும் ரத்து செய்வதாக நெகிரி செம்பிலான் மாநில ஆட்சியாளர் துவாங்கு முஹ்ரிஸ் துவாங்கு முனாவீர் அதிரடி உத்தரவை வெளியிட்டிருந்தார் 

சத்தியத்தை மீறியதற்காக அவர்கள் மீது இந்த நடவடிக்கை மேற்கொள்ளப்பட்டதாக நெகிரி செம்பிலான் அரண்மனை பெங்கெலோலா பிஜாயா அஸிஸி முஹம்மத் அலி ஓர் அறிக்கையின் வாயிலாக தெரிவித்தார்

-மவித்திரன்