நாடு முழுவதும் 17 இடங்களில் புகைமூட்டம்: காற்றின் தரம் ஆரோக்கியமற்ற நிலையில் பதிவு 

கோலாலம்பூர்: 

இன்று காலை 9 மணி நிலவரப்படி நாட்டிலுள்ள 17 இடங்களில் காற்றின் தரம் ஆரோக்கியமற்ற நிலையில் பதிவு செய்யப்பட்டது 

மலேசிய வளிமண்டல மாசு மேலாண்மை அமைப்பான APIMS இந்த தகவலை வெளியிட்டுள்ளது 

சரவாக் மாநிலத்தின் காபிட் மற்றும் செரியான் பகுதிகளில் காற்றின் தரம் 167ஆக பதிவு செய்யப்பட்டன. 
மேலும், ஸ்ரீ அமான் (161), பிந்துலு (159) ஆகிய பகுதிகளிலும் காற்று மாசு மோசமான நிலையைக் கண்டுள்ளது.

நாட்டின் நிர்வாக மையமான புத்ராஜெயாவில் காற்றின் தரம் 157ஆக பதிவு செய்யப்பட்டது.  

நெகிரி செம்பிலான் மாநிலத்தின் நீலாய் ஆகிய பகுதிகள் 157ஆக பதிவு செய்துள்ளன. அதனைத் தொடர்ந்து, சிரம்பான் 154 ஆகவும், சபா கோத்தா கினாபாலு பாலிடெக்னிக் 153ஆகவும் காற்றின் தரம் எட்டியுள்ளன.

இதற்கிடையில், நாட்டின் பல்வேறு பகுதிகளில் உள்ள 41 இடங்களில் காற்றுத் தரம் மிதமான நிலையைக் கொண்டுள்ளது. மேலும், ஆறு இடங்களில் மட்டுமே காற்றுத் தரம் நல்ல நிலையில் இருப்பதாகப் பதிவாகியுள்ளது.

-மவித்திரன்