பட்டானியில் மற்றொரு தாக்குதல்: மளிகைக் கடை குறிவைக்கப்பட்டது

கோத்தாபாரு:

கடந்த சனிக்கிழமை இரவு, தாய்லாந்தின் மூன்று தெற்கு மாநிலங்களில் உள்ள 51 இடங்களில் தொடர்ச்சியான தாக்குதல்கள் நடத்தப்பட்ட 48 மணி நேரத்திற்குள், நேற்று இரவு மற்றொரு சம்பவம் நிகழ்ந்துள்ளது.

இந்த சமீபத்திய சம்பவம், பட்டானியின் மாயோ மாவட்டத்தில், முகிம் லாங்காவின் காம்போங் 3இல் உள்ள ஒரு மளிகைக் கடை, உள்ளூர் நேரப்படி இரவு 8 மணியளவில் தாக்கப்பட்டபோது நிகழ்ந்தது.

பல தாக்குதல் நடத்தியவர்கள் மளிகைக் கடைக்குள் நுழைந்து, வெடிப்பு ஏற்படுவதற்கு முன்பு ஊழியர்களை வெளியேறும்படி உத்தரவிட்டதாக தாய்லாந்து பாதுகாப்பு செய்தித் தொடர்பாளர் ஒருவர் கூறினார்.

இந்த சம்பவத்தின் போது துப்பாக்கிச் சூடு சத்தமும் கேட்கப்பட்டதாகத் தெரிவிக்கப்பட்டுள்ளது.

தாய்லாந்து அதிகாரிகள் உடனடியாக சம்பவ இடத்திற்கு அனுப்பப்பட்டனர், அதே நேரத்தில் பாதுகாப்புப் படைகள் அப்பகுதியைக் கண்காணித்து நிலைமையை மதிப்பிட்டு வருகின்றன.

ஏதேனும் காயங்கள் அல்லது சேதங்கள் ஏற்பட்டதா என்பது உள்ளிட்ட மேலதிக விவரங்களை இன்னும் உறுதிப்படுத்த முடியவில்லை என்று அந்த செய்தித் தொடர்பாளர் கூறினார்.

சனிக்கிழமை இரவு நாரதிவாட், பட்டானி, யாலாவில் உள்ள 51 இடங்களைக் குறிவைத்து திட்டமிடப்பட்ட தொடர் தாக்குதல்களைத் தொடர்ந்து இந்த சம்பவம் நிகழ்ந்துள்ளது. 

இது தாய்லாந்தின் தெற்கு எல்லைப் பகுதியில் மீண்டும் வன்முறை வெடிக்கும் சாத்தியம் குறித்த கவலைகளை எழுப்பியுள்ளது.

- பார்த்திபன் நாகராஜன்