பிரதமர் மோடி அமைச்சரவையில் 20 பேர் இலாகா விரைவில் மாற்றம்: புதிதாக திமுகவும் இடம்பெற இருப்பதாக தகவல்

சென்னை:

பிரதமர் நரேந்திர மோடி தலைமையிலான அமைச்சரவையில் சுமார் 20-க்கும் மேற்பட்டோரின் இலாகா மாற்றம் செய்யப்பட உள்ளதாகவும், புதிதாக திமுகவும் இடம் பெற இருப்பதாகவும் தகவல்கள் வெளியாகி உள்ளன.

தமிழ்நாட்டில் விஜய் தலைமையில் தவெக ஆட்சி அமைந்த பின் திமுகவின் போக்கில் மாற்றம் ஏற்பட்டுள்ளது. தொகுதி வரையறை மசோதாவை கடுமையாக எதிர்த்த திமுக, இப்போது அதற்கு ஆதரவளிக்க சில நிபந்தனைகளை விதித்தது. 

மேலும் டெல்லியில் மத்திய உள்துறை அமைச்சர் அமித் ஷாவுடனான ஆலோசனைக் கூட்டத்தில் திமுக எம்.பி. கனிமொழி கலந்து கொண்டார். மாநிலங்களவை எம்.பி.யான கனிமொழியும்  சோமுவும், அரசியலில் நிரந்தர எதிரிகள் இல்லை என கூறியிருந்தார்.

இதையடுத்து சமூகவலைதளங்களிலும் திமுக-பாஜக நெருக்கம் பற்றிய செய்திகள் விமர்சனங்களுடன் வெளியாகி வருகின்றன. 

இதன் மீதான ஒரு கேள்விக்கு மக்களவை எம்.பி.யான கனிமொழி, பாஜகவுடன் எந்தக் கூட்டணியும் இல்லை என பதில் அளித்திருந்தார். எனினும், திமுக-பாஜக உறவு தொடர்பான பேச்சுக்கள் அடங்கியபாடில்லை.

- ஆர்யன்