ஐரோப்பா சூப்பர் கிண்ணம் பிஎஸ்ஜி அணி சாம்பியன்

ஆஸ்திரியா:

ஐரோப்பா சூப்பர் கிண்ண கால்பந்து போட்டியில்  பிஎஸ்ஜி அணியினர் சாம்பியன் பட்டத்தை வென்றனர்.

சால்ஸ்பர்க் ரெட்புல் அரேனாவில் நடைபெற்ற ஆட்டத்தில் பிஎஸ்ஜி அணியினர் அஸ்டன் வில்லா அணியை சந்தித்து விளையாடினர்.

முற்பாதி ஆட்டத்தில் 20ஆவது நிமிடத்தில் பிஎஸ்ஜி ஆட்டக்காரர் குவரட்ஸ்கெலியா ஒரு கோலை அடித்து தமது அணியை முன்னிலைப்படுத்தினார்.

ஆட்டத்தின் ஆட்டத்தின் 45ஆவது நிமிடத்தில் அஸ்டன் வில்லா அணியின் ஆட்டக்காரர் மட்ஜோ ஒரு கோலை அடித்து ஆட்டத்தை சமப்படுத்தினார்.

விறுவிறுப்பாக நடைபெற்ற பிற்பாதி ஆட்டத்தில் இரு அணிகளும் வெற்றிக்காக கடுமையாக போராடின.

ஆட்டத்தின் 61ஆவது நிமிடத்தில் பிஎஸ்ஜி ஆட்டக்காரர் டெசிரே டூ தமது அணியின் இரண்டாவது கோலை அடித்தார்.

தொடர்ந்து போராடிய அஸ்டன் வில்லா அணியினர் கோல் எதுவும் அடிக்காததால் 2-1 என்ற கோல் கணக்கில் பிஎஸ்ஜி அணியினர் வெற்றி பெற்றனர்.

இந்த வெற்றியை தொடர்ந்து ஐரோப்பா சூப்பர் கிண்ணத்தையும் பிஎஸ்ஜி அணியினர் வென்றனர்.

- பார்த்திபன் நாகராஜன்