சாலாவை நூற்றுக்கணக்கான ரசிகர்கள் வரவேற்றனர்

இஸ்தான்புல்:

லிவர்பூலில் இருந்து துருக்கி கிளப்பான டிராப்சோன்ஸ்போருக்கு மாறும் நிலையில், அந்த கிளப்பின் சீருடையை அணிந்திருந்த முஹம்மது சாலா இஸ்தான்புல் விமான நிலையத்திற்கு நூற்றுக்கணக்கான ஆதரவாளர்கள் புடைசூழ வந்தடைந்தார்.

சாலாவுடன் பேச்சுவார்த்தை நடத்தி வருவதாக டிராப்சோன்ஸ்போர் ஒரு நாள் முன்னதாகவே அறிவித்திருந்தது. 

அதே நேரத்தில், 34 வயதான சாலா டிராப்சோன் நகரில் நடைபெறும் ஒரு விழாவில் கட்டணமில்லா ஒப்பந்தத்தில் கையெழுத்திடுவார் என்று எதிர்பார்ப்பதாக கிளப்பின் தலைவர் எர்டுகுருல் டோகன் கூறியிருந்தார்.

இதன் அடிப்படையில் அத்தாதுர்க் விமான நிலையத்திற்கு வந்தடைந்த சாலாவை, நூற்றுக்கணக்கான ஆதரவாளர்கள் வரவேற்றனர். 

அவர் அவர்களைப் பார்த்து கையசைத்து, அவர்களுடன் சேர்ந்து பாரம்பரிய உற்சாக முழக்கத்தை எழுப்பினார். 

பின்னர், மருத்துவப் பரிசோதனைக்காகவும் டிராப்சனுக்கு விமானத்தில் செல்வதற்காக அவர் புறப்பட்டார்.

- பார்த்திபன் நாகராஜன்