சீனா பொதுப் பூப்பந்து போட்டி: நாட்டின் மகளிர் இரட்டையர் இணை பெர்லி டான் - எம். தீனா இராண்டாவது சுற்றுக்கு முன்னேற்றம் 

பெட்டாலிங் ஜெயா- 

சீனா பொதுப் பூப்பந்து போட்டியில் நாட்டின் மகளிர் இரட்டையர் இணை பெர்லி டான் - எம்.தீனா இரண்டாவது சுற்றுக்கு முன்னேறியுள்ளனர் 

உலக தரவரிசையில் 5ஆம் நிலையில் உள்ள அவர்கள், 29ஆவது நிலையில் உள்ள ஜப்பான் நாட்டின் Ririna Hiramoto-Kokona Ishikawa இணையை 21-16, 21-12 என்ற புள்ளிகளில் வெற்றிக்கொண்டனர். 

சீனாவின் சாங்சௌ நகரில் நடைபெற்று வரும் இந்த ஆட்டம் வெறும் 31 நிமிடங்கள் வரை ஆட்டம் நீடித்தது 

பெர்லி டான் - எம்.தீனா இணை அடுத்து ஜப்பான் நாட்டையோ அல்லது உக்ரைன் நாட்டின் வீரர்களையோ சந்திப்பார்கள் என்று எதிர்பார்க்கப்படுகிறது. 

கடந்த வாரம் ஜப்பானில் நடைபெற்ற போட்டியில் பெர்லி தான் - எம்.தீனா இணை தைவான் நாட்டின் சு யின் ஹுய்- லின் ஜி யுன் இணையிடம் தோல்வி அடைந்தனர் என்பது குறிப்பிடத்தக்கது.

-மவித்திரன்