அர்ஜெண்டினா அணியை ஆயிரக்கணக்கான ரசிகர்கள் வரவேற்றனர்

எஸெய்ஸா:

அர்ஜெண்டினா அணியை ஆயிரக்கணக்கான ரசிகர்கள் வரவேற்று மகிழ்ந்தனர்.

2026 உலகக் கிண்ண இறுதிப் போட்டியில் நடப்பு சாம்பியனான அர்ஜெண்டினா, ஸ்பெயினிடம் 0-1 என்ற கோல் கணக்கில் தோல்வியடைந்த போதிலும், இன்று அதிகாலையில் அர்ஜெண்டினா அணியின் வருகையை வரவேற்க ஆயிரக்கணக்கான ரசிகர்கள் எஸெய்ஸா அனைத்துலக விமான நிலையத்தில் திரண்டனர்.

தேசிய அணியை ஏற்றி வந்த விமானம் பியூனஸ் அயர்ஸில் தரையிறங்கியது.

அதன் பின் அணி மேலாளர் லியோனல் ஸ்கலோனி, பெரும்பாலான வீரர்களுக்கு சிவப்பு கம்பள வரவேற்பும், ராணுவ இசைக்குழுவின் நிகழ்ச்சியும் அளிக்கப்பட்டது.

இருப்பினும் ஜாம்பவான் லியோனல் மெஸ்ஸி விமானத்திலிருந்து இறங்குவதைக் காணமுடியவில்லை. 

இது, அர்ஜெண்டினா கேப்டன் பிரதான அணியுடன் திரும்பவில்லை என்ற முந்தைய செய்திகளை உறுதி செய்தது.

அர்ஜெண்டினா கால்பந்து சங்கத்தின் தலைமையகத்திற்கு வெளியே, ஆயிரக்கணக்கான ரசிகர்கள் குளிரையும் மழையையும் பொருட்படுத்தாமல், தேசியக் கொடிகளை அசைத்தபடி தங்கள் நாயகர்களை வரவேற்றனர்.

- பார்த்திபன் நாகராஜன்