ஜொகூர் மாநிலத் தேர்தல்; தேசிய முன்னணி வெற்றிகரமாக ஆட்சி அமைத்து, 48 மாநில இடங்களை வென்றது: தேர்தல் ஆணையம்

இஸ்கண்டார் புத்ரி:

16ஆவது ஜொகூர் மாநிலத் தேர்தலில், தேசிய முன்னணி ஜொகூர் மாநில சட்டமன்றத்தில் தனது தற்போதைய நிலையை வெற்றிகரமாகத் தக்கவைத்துக் கொண்டது.

இந்தத் தேர்தலில் போட்டியிட்ட 56 மாநில இடங்களில், தேசிய முன்னணி 48 இடங்களை வென்றதாக மலேசியத் தேர்தல் ஆணையத்தின் தலைவர் டத்தோஸ்ரீ ரம்லான் ஹருன் தெரிவித்தார்.
மேலும் எட்டு இடங்கள் நம்பிக்கை கூட்டணி வசம் இருப்பதாக அவர் கூறினார்.

அதே வேளையில் தேசியக் கூட்டணி உட்பட இதர கட்சிகள் போட்டியிட்ட அனைத்து தொகுதிகளிலும் தோல்வி கண்டன என்று அவர் கூறினார்.

- பார்த்திபன் நாகராஜன்