யோகி பி இசைத் துறையில் மேலும் சாதிக்க தெக்குன் ஸ்பூமி கைகொடுத்துள்ளது: ஸ்டீவன் சிம்

கோலாலம்பூர்:

நாட்டில் பிரபல கலைஞர் யோகி பி இசைத் துறையில் மேலும் சாதனைகளை படைக்க தெக்குன் ஸ்பூமி கைகொடுத்துள்ளது.

தொழில் முனைவோர் மேம்பாடு கூட்டுறவு அமைச்சர் ஸ்டீவன் சிம் இதனை கூறினார்.

1990-களில் இருந்தே எனக்கு யோகி பியை நீண்ட காலமாகத் தெரியும்.

மலேசிய ஹிப்-ஹாப் குழுக்களில், பல குழுக்களுக்குத் தமக்கெனத் தனித்துவமான அடையாளங்கள் உண்டு என்பதை என் தலைமுறை நினைவில் கொள்ள வேண்டும்.

அவர்கள் ஆங்கிலம், மலாய், தமிழ் மற்றும் கான்டோனீஸ் மொழிகளில் ராப் பாடுவார்கள்.

Lepaih Poetic Ammo குழுவிற்குப் பிறகு, யோகி பி இதுவரை தனித்துச் செயல்பட்டு வருகிறார்.

அவர் மலேசியாவில் மட்டும் முக்கியத்துவம் வாய்ந்தவர் அல்ல.

மலேசியாவின் பெயரை, குறிப்பாகத் தமிழ் இசையை, இந்தியாவிற்குக் கொண்டு வந்துள்ளார்.
நேற்று ஸ்டுடியோவில் இன்றும் என்றும் பசுமையாக இருக்கும் தனது பழைய பாடல்களைப் பற்றி அவர் பேசினார்.

மக்கள் இன்றும் அவற்றைப் பாடுகிறார்கள், மலேசியா, சிங்கப்பூர், இலங்கை, லண்டன் மற்றும் பல்வேறு இடங்களில் நிகழ்ச்சி நடத்த அவரை அழைக்கிறார்கள்.

யோகி என்ற நபர் உண்மையில் உலகிற்கு ஏற்றுமதி செய்யப்பட்ட ஒரு மலேசியத் தயாரிப்பு என்று நான் அவரிடம் சொன்னேன்.

மேலும் அனைத்துலக சந்தையில் போட்டியிடக்கூடிய ஒரு படைப்பை உருவாக்குவதற்கு ஆகும் செலவு சிறியதல்ல.

ஒரு மியூசிக் வீடியோவுக்கே பல்லாயிரக்கணக்கான ரிங்கிட்கள் செலவாகும்.

ஆனால் யோகி பி போன்ற ஒரு கலைஞருக்கு, இது வெறும் பொழுதுபோக்கு மட்டுமல்ல.

இது ஒரு வேலை, இது ஒரு வணிகம், இது ஒரு அறிவுசார் சொத்துரிமை, மேலும் இதன் மூலம்தான் நாம் நாட்டின் பெயரை முன்னிலைப்படுத்துகிறோம்.

அதனால் தான், யோகி பி தெக்குன் ஸ்பூமி நிதியுதவிக்கு விண்ணப்பித்தபோது நான் மகிழ்ச்சியடைந்தேன். அவரது ஆவணங்களைச் சரிபார்த்த டெக்குன் அதிகாரியும் ஆச்சரியப்பட்டார்,

யோகி பி ஜூன் 26 அன்று விண்ணப்பித்தார், ஜூலை 1 அன்று அது அங்கீகரிக்கப்பட்டது.

வேகமானது, வெளிப்படையானது, உள்நபர்கள், அரசியல்வாதிகள் தேவையில்லை. பிரிவுத் தலைவரின் கையொப்பம் தேவையில்லை.

குஸ்கோப் இதை தான் விரும்புகிறது.

எந்த வகையான தொழில்முனைவோர், சிறு வியாபாரிகள், உணவுத் தொழில்முனைவோர், கூட்டுறவு சங்கங்கள், இளைஞர்கள், பெண்கள், கலைஞர்கள் என அவர்கள் தகுதி பெற்றிருந்தால், நாங்கள் அவர்களுக்கு உதவுவோம். அரசியல்வாதிகளுடன் தலையிடத் தேவையில்லை.

ஆகவே யோகி பியின் புதிய திட்டம் சுமுகமாக நடைபெற வேண்டும் என்று நான் இறைவனை பிரார்த்திக்கிறேன்.

மலேசியாவின் குரலை உலகிற்குத் தொடர்ந்து கொண்டு செல்லுங்கள் என்று ஸ்டீவன் சிம் கூறினார்.

- பார்த்திபன் நாகராஜன்