அமெரிக்காவில் விரைவில் நேருக்கு நேர் சந்திப்பு: நெதன்யாகு - டிரம்ப் முக்கிய ஆலோசனைக்கு ஒப்புதல்

பைத்துல்மக்டீஸ்: 

இஸ்ரேல் பிரதமர் பெஞ்சமின் நெதன்யாகு, அமெரிக்க அதிபர் டொனால்ட் டிரம்ப், அண்மையில் நடைபெற்ற தொலைபேசி உரையாடலைத் தொடர்ந்து, விரைவில் அமெரிக்காவில் நேருக்கு நேர் சந்தித்து முக்கிய ஆலோசனைகளை மேற்கொள்ள ஒப்புக்கொண்டுள்ளதாக இஸ்ரேல் பிரதமர் அலுவலகம் தெரிவித்துள்ளது.

அமெரிக்கா, இஸ்ரேல் இணைந்து ஈரானுக்கு எதிரான இராணுவ நடவடிக்கைகளை முன்னெடுத்துள்ள நிலையில், பிராந்திய பாதுகாப்பு, போர் நிறுத்த முயற்சிகள் தொடர்பாக இரு தலைவர்களும் முக்கிய கருத்துகளைப் பகிர்ந்து கொண்டதாக தெரிவிக்கப்பட்டுள்ளது.

உரையாடலின் போது, உலகளாவிய சுதந்திரம், பாதுகாப்பை நிலைநிறுத்துவதில் அமெரிக்காவின் பங்கை நெதன்யாகு பாராட்டியதுடன், இரு நாடுகளுக்கும் இடையிலான வலுவான நட்புறவு தொடர்ந்து உறுதியாக இருப்பதாகவும் வலியுறுத்தினார்.

மேலும், அமெரிக்க சுதந்திர தினத்தின் 250-ஆவது ஆண்டு விழாவை முன்னிட்டு டிரம்புக்கு நெதன்யாகு வாழ்த்துகளையும் தெரிவித்தார்.

இதற்கிடையில், லெபனானில் ஹிஸ்புல்லாவுக்கு எதிரான இஸ்ரேலின் இராணுவ நடவடிக்கைகள், ஈரானுடனான அமைதி பேச்சுவார்த்தை தொடர்பான கருத்து வேறுபாடுகள் காரணமாக, கடந்த சில வாரங்களாக டிரம்ப், நெதன்யாகுவை வெளிப்படையாக விமர்சித்து வந்தது குறிப்பிடத்தக்கது.

-சங்கீர்த்தனா