எம்பயர் ஸ்டேட் கட்டிடத்தின் உச்சியில் மோதிரம் மாற்றி நிச்சயம் செய்த ரஷ்ய நாட்டு ஜோடி கைது

வாஷிங்டன்- 

உங்களுக்கு காதல் propose செய்ய உலகில் வேறு எங்கும் இடமா இல்லை ? என்று நெட்டிசன்கள் வசைபாடும் நிலைக்கு இங்கு ஒரு காதல் ஜோடி சம்பவம் ஒன்றை அரங்கேற்றியுள்ளனர். 

அமெரிக்காவில் உரிய அனுமதியின்றி 1,454 அடி உயரம் கொண்ட நியூயார்க் எம்பயர் ஸ்டேட் கட்டிடத்தின் உச்சியில் ஏறி மோதிரம் மாற்றி திருமண நிச்சயம் செய்த ரஷ்யா நாட்டு ஜோடி கைது செய்யப்பட்டனர். 

ஏஞ்சலா நிகோலாவ்- வான்யா பீர்க்ஸ்  என்ற அந்த ஜோடி, எவ்வித பாதுகாப்பு உபகரணங்களும் இன்றி எம்பயர் ஸ்டேட் கட்டிடத்தின் ஆண்டெனா பகுதியில் ஏறி நின்றனர். 

பிறகு அவர்கள் இருவரும் மோதிரம் மாற்றி கொண்டு தங்கள் காதல் ப்ரொபோசலை வெளிப்படுத்தி அனைவரையும் ஆச்சிரியத்தில் ஆழ்த்தினர் 

இந்நிலையில் கோபுரத்தின் பாதி உயரம் வரை ஏறிச் சென்ற போலீசார் அவர்களை கீழே இறங்க வைத்து கைது செய்தனர்.

-மவித்திரன்