"பிறப்புரிமைக் குடியுரிமை தொடரும்": அமெரிக்க அதிபர் டிரம்ப்பின் உத்தரவை தள்ளுபடி செய்தது நீதிமன்றம்

வாஷிங்டன்:

அமெரிக்காவின் உச்ச நீதிமன்றம் பிறப்புரிமைக் குடியுரிமையைக் கட்டுப்படுத்தும் அதிபர் டோனல்ட் டிரம்ப்பின் (Donald Trump) முயற்சியை நிராகரித்திருக்கிறது.

6-3 என்று நீதிபதிகள் முயற்சிக்கு எதிராக வாக்களித்தனர்.

டிரம்ப்பின் உத்தரவு அமெரிக்க அரசமைப்புச் சட்டத்தை மீறுவதாக அவர்கள் கூறினர்.

சட்டத்தின்படி அமெரிக்காவில் பிறக்கும் பெரும்பாலான குழந்தைகளுக்குக் குடியுரிமை கிடைத்துவிடும்.

தாய், தந்தை இருவரும் அமெரிக்க குடிமக்கள் அல்லது நிரந்தரவாசிகளாக இல்லை என்றால் நாட்டில் பிறக்கும் குழந்தைகளின் குடியுரிமையை அங்கீகரிக்கவேண்டாம் என்று டிரம்ப் உத்தரவிட்டிருந்தார்.

சென்ற ஆண்டு டிரம்ப் அதிபராகப் பதவியேற்ற முதல் நாளில் குடியேற்றத்தைக் கட்டுப்படுத்த இனி நிரந்தரவாசிகளுக்கு அமெரிக்காவில் பிறக்கும் குழந்தைகளுக்கு குடியுரிமை கிடையாது என்ற உத்தரவைப் பிறப்பித்தார் என்பது குறிப்பிடத்தக்கது. 

- ஆர்யன்