வெனிசுலாவில் சக்திவாய்ந்த நிலநடுக்கங்கள்: ஆயிரக்கணக்கில் மக்கள் மாண்டனர்

காரகஸ்:

வெனிசுலாவின் தலைநகருக்கு மேற்கே சக்திவாய்ந்த நிலநடுக்கங்கள் ஏற்பட்டன. இதனால், காரகாஸில் கட்டிடங்கள் இடிந்து விழுந்தன, மக்கள் இடிபாடுகளுக்குள் சிக்கிக்கொண்டனர். மேலும், இந்த தென் அமெரிக்க நாடு முழுவதும் கடுமையான உயிரிழப்புகளும் பரவலான அழிவும் ஏற்படக்கூடும் என விஞ்ஞானிகள் எச்சரித்துள்ளனர்.

அமெரிக்க புவியியல் ஆய்வு மையத்தின் (USGS) தகவல்படி, காரகாஸுக்கு மேற்கே சுமார் 160 கி.மீ. தொலைவில் 7.2 ரிக்டர் அளவிலான நிலநடுக்கம் ஏற்பட்டது. அதைத் தொடர்ந்து ஒரு நிமிடத்திற்கும் குறைவான நேரத்தில் 7.5 ரிக்டர் அளவிலான மற்றொரு நில அதிர்வும் ஏற்பட்டது.

இறப்பு எண்ணிக்கை 10,000 முதல் 100,000 வரை இருக்கலாம் என்றும் அது மதிப்பிட்டுள்ளது.

"கட்டிடங்கள், இல்லங்கள் இடிந்து விழுந்துள்ளன. பாதுகாப்பு, குடிமக்கள் உதவி ஆகியவற்றின் அடிப்படையில் எங்களிடம் உள்ள அனைத்தையும் கொண்டு நாங்கள் நிலைமையைச் சரிசெய்து வருகிறோம்," என்று உள்துறை அமைச்சர் டியோஸ்டாடோ கபெல்லோ அரசு தொலைக்காட்சியில் கூறினார்.  

தங்கள் அன்புக்குரியவர்களுக்காக மனமுடைந்த உறவினர்கள் கதறி அழுதபடி தெருக்களில் திரிகின்றனர்.

"நிலநடுக்கம் தொடங்கிய உடனேயே, மக்கள் அலறுவதைக் கேட்க ஆரம்பித்தோம்," என்று மேற்கு கராகஸில் உள்ள 41 வயதான விளம்பரதாரர் ஆஸ்ட்ரிட் ரமிரெஸ் கூறினார். "அனைவரும் படிக்கட்டுகளில் கீழே ஓடிக்கொண்டிருந்தனர்."

- ஆர்யன்