பிரிட்டன் பிரதமர் கெய்ர் ஸ்டார்மர் பதவி விலகினார் 

லண்டன்:

பிரிட்டன் பிரதமர் கெய்ர் ஸ்டார்மர் திங்களன்று தனது பதவியை இராஜினாமா செய்வதாகவும், செப்டம்பரில் நாடாளுமன்றம் மீண்டும் கூடும் நேரத்தில் புதிய தலைவர் பதவியேற்பார் என்றும் அறிவித்தார். 

பிரிட்டிஷ் அரசியலில் நிலவும் குழப்பங்களுக்கு முற்றுப்புள்ளி வைக்க விரும்புகிறேன் என்ற பிரதமர், மாபெரும் தேர்தல் வெற்றியைப் பெற்று இரண்டு ஆண்டுகள் கூடாத நிலையில், தனக்குப் பதிலாக யார் வந்தாலும் அவருக்கு ஆதரவளிப்பேன் என்று ஸ்டார்மர் கூறியுள்ளார்.

பல மாதங்களாக உருவாகி வந்த ஸ்டார்மருக்கான எதிரான வெள்ளிக்கிழமையன்று மேலும் வலுப்பெற்றது. கிரேட்டர் மான்செஸ்டர் மேயரான ஆண்டி பர்ன்ஹாம், ஒரு வருடத்திற்கும் மேலாக தேசிய கருத்துக் கணிப்புகளில் முன்னிலை வகித்து வந்த நைஜல் ஃபராஜின் 'ரிஃபார்ம் யுகே' கட்சியின் வேட்பாளரைத் தோற்கடித்து, வெஸ்ட்மின்ஸ்டருக்குத் திரும்புவதற்கான நாடாளுமன்றத் தேர்தலில் தீர்க்கமான வெற்றியைப் பெற்றார்.

இந்த வெற்றி, தனது தகவல் தொடர்புத் திறன்களுக்காக அறியப்பட்ட ஓர் அனுபவமிக்க அரசியல்வாதியான பர்ன்ஹாம், ஸ்டார்மரின் கீழ் ஆதரவை இழந்த ஒரு கட்சியின் தலைவிதியை மாற்றியமைக்க முடியும் என்ற நம்பிக்கையை லேபர் கட்சி நாடாளுமன்ற உறுப்பினர்களுக்கு அளித்தது. 

ஸ்டார்மரின் செல்வாக்கு மதிப்பீடுகள், எந்தவொரு பிரிட்டிஷ் தலைவருக்கும் இல்லாத அளவிற்கு மிகக் குறைந்த நிலைக்குச் சரிந்துள்ளது.

ஆனால் இந்த மாற்றம் ஆபத்துகளற்றது அல்ல. நாட்டிற்கு அடிப்படை மாற்றம் தேவை என்றும், வாழ்க்கைச் செலவைக் குறைக்க வேண்டும் என்றும் கூறுவதைத் தவிர, வெளியுறவு, பொருளாதாரம், பாதுகாப்பு விவகாரங்கள் குறித்த தனது அணுகுமுறையை பர்ன்ஹாம் இன்னும் தெளிவுபடுத்தவில்லை.

- ஆர்யன்