உலக புகையிலை எதிர்ப்பு தினம் 2026: புகையிலை ஒரு மெளன கொலையாளி

பினாங்கு:

மே 31 உலக புகையிலை எதிர்ப்பு தினத்தில் புகைப்பதை நிறுத்துங்கள் - பினாங்கு பயனீட்டாளர் சங்கம் வேண்டுகோள்

2026 ஆம் ஆண்டு  உலக புகையிலை எதிர்ப்பு தினத்தின் கருப்பொருள், “கவர்ச்சியை வெளிக்கொணர்தல் – நிகோடின், புகையிலை அடிமைத்தனத்தை வெல்லுதல்” என்பதாகும்.

இந்த ஆண்டு உலக சுகாதார அமைப்பின்  பிரச்சாரமானது, புகையிலை மற்றும் நிகோடின் தொழில்துறைகளால் பயன்படுத்தப்படும் சூழ்ச்சி நிறைந்த சந்தைப்படுத்தல் உத்திகளை அம்பலப்படுத்துவதில் கவனம் செலுத்துகிறது.

இந்த அடிப்படையில் புகையிலை எதிர்ப்பு பிரச்சாரம் ஆரோக்கியமான சமுதாயத்தை உறுவாக்கும் என்கிறார் பினாங்கு பயனீட்டாளர் சங்கத்தின் கல்வி அதிகாரியும் புகையிலை எதிர்ப்பு இயக்கத்தின் பொருப்பாளருமான என்.வி.சுப்பாராவ்.

இப்போதைய சிறார்கள் இளைஞர்கள், யுவதிகள் அனைவரும் சிகரெட்டுகளை தவிர்த்து வேப் மற்றும் மின்னியல் சிகெரட்டுகளுக்கு அடிமையாகிவிட்டனர் என்ற தகவலயும் சுப்பாராவ் அம்பலப்படுத்தினார்.
ஆரம்ப பள்ளி மாணவர்களிடையே வேப் அதி வேகமாக பரவி வருவதாக அவர் தெரிவித்தார்.

 இப்பொழுது புகையிலை தொழிற்துறைகள் புதிய தந்திரங்களை அம்பலப்படுத்தி வருகின்றன.

 மின்னணு சிகரெட்டுகள், நிகோடின் பைகள் மற்றும் செயற்கை நிகோடின் சாதனங்கள் போன்ற புதிய தயாரிப்புகளை, ஒரு புதிய தலைமுறை குழந்தைகள் மற்றும் இளம் பருவத்தினரைக் கவர்வதற்காக இந்த  நிறுவனங்கள்  தீவிரமாக சந்தைப்படுத்துகின்றன.

மலேசியாவில் ஆண்டுதோறும் 26,000 புகைப்பாளர்களையும், உலக அளவில் 8 மில்லியன் அதாவது 80 லட்சம் புகைபாளர்களையும் சாகடிக்கும் சிகரெட்டுகளுக்கும் புகையிலை தொடர்பான பொருட்களுக்கும் விடை கொடுக்க வேண்டிய ஒரு தினம் தான் இந்த புகையிலை எதிப்பு தினம்.

மலேசியாவில் 15 வயதுக்கு மேல்பட்டவர்களில் 5 லட்சத்து 370,000 ஆண் புகைப்பாளர்களும், 61,000 பெண் புகைபாளர்களும் இருப்பதாக சுகாதார அமைச்சின் தரவுகள் காட்டுகின்றன.

அதே நேரத்தில் 10 லிருந்து 14 வயதுக்கு உட்பட்டவர்களில் ஆண்கள் 21.7%, பெண்கள் 3.92% விழுக்காடாக இருப்பதாக தெரிவிக்கப்பட்டுள்ளது.

அரசாங்கம் புகையிலை தொடர்பான நோய்களுக்கு ஆண்டுதோறும் 18,395,071,483 ரிங்கிட் செலவிடுவதாக சுகாதார அமைச்சு தெரிவித்துள்ளது.

இது தவிர இப்போது புதிய கலாச்சாரமாக உருவெடுத்துள்ள வேப் பழக்கத்திற்கு 200,000 பேர் அடிமயாகி உள்ளனர்.

இவர்கள் வேப் திரவத்தோடு அதனுள் போதைப்பொருளையும் சேர்த்துக் கொள்கின்றனர்.

ஒரு துண்டு சிகரெட் தாரிக்க 4,800 இரசாயனங்கள் தேவை என்றும் அதில் 69 இரசாயனங்கள் புற்றுநோயை ஏற்படுத்தக்கூடியது என்று உலக சுகாதார நிறுவனம் தெரிவித்துள்ளது.

இதனால் தான் உலக அளவில் புகைபிடிக்காத 1.3 மில்லியன் பேர் இரண்டாம் தர புகைப்பாளர்க இருந்து மரணமடைகின்றனர். 

அதாவது புகைக்கும் ஒருவரின் அருகாமையில் இருந்தாலும் விளைவு மரணம் தான் என்கிறது உலக சுகாதார அமைப்பு.

பிரச்சனைக்குரிய நிக்கோடின் தயாரிப்புகளை தடை செய்ய வேண்டும் என பி.ப.சங்கம் மீண்டும் கேட்டுக்கொள்கிறது.

புகையிலை, நிக்கோடின் தொழில் இளைஞர்களை குறிவைப்பதைத் தடுக்கும் விதிமுறைகள் பயனற்றதாக உள்ளது.

சிகரெட் ஒரு மொளன கொலையாளி.

புகையிலை, நிக்கோடின் நிறுவனங்களின் உண்மையான இலக்கு இளைஞர்களே.

உலக சுகாதார நிறுவத்தின் கூற்றுப்படி  சந்தையில் 16,000 க்கும் மேற்பட்ட போலியான பழச் சுவைகள்  கொண்ட திரவங்கள் விற்கப்படுகின்றன.

இந்த தயாரிப்புகள் குழந்தைகளை கவரும் வகையில் சிறப்பாக வடிவமைக்கப்பட்டுள்ளன - அவை பல வண்ணங்கள், நேர்த்தியான வடிவமைப்புகளாகவும் உள்ளன.

2019 முதல், சுகாதார அமைச்சு மின்னியல் சிகரெட் அல்லது வேப்பிங் பயன்பாட்டுடன் தொடர்புடைய 41 நுரையீரல் நோய் (ஈவாலி)  சம்பவங்களை பதிவு செய்துள்ளது.

மருத்துவமனையில் அனுமதிக்கப்படும் ஒவ்வொரு நோயாளிக்கும் 12 நாள் தங்குவதற்கு மவெ 150,000 வரை தேவைப்படுகின்றது.

இந்த தயாரிப்புகளை தடை செய்ய வேண்டிய நேரம் இது.

சிகரெட்டுகள், மின்னணு சிகரெட்டுகள் வேப், சூடுபடுத்தப்பட்ட புகையிலைப் பொருட்கள் மற்றும் நிகோடின் பைகள் உள்ளிட்ட அனைத்து நிகோடின் தயாரிப்புகளுக்கும் ஒரு ஒருங்கிணைந்த இறுதிக்கட்ட அணுகுமுறை தேவை என்கிறது பினாங்கு பயனீட்டாளர் சங்கம்.

“தீங்கு குறைப்பு என்பது மக்களைப் பாதுகாப்பாக வைத்திருப்பதே தவிர, ஒரு தீங்கிற்குப் பதிலாக மற்றொரு தீங்கைக் கொண்டுவருவதல்ல.

“புகையிலை நிறுவனங்கள் உண்மையாகவே ‘புகையற்ற எதிர்காலத்தை’ விரும்பியிருந்தால், அவர்கள் நேற்றே சிகரெட் தயாரிப்பதையும் விற்பதையும் நிறுத்தியிருப்பார்கள்.

அனைத்து புகையிலைப் பாரிட் கூடிய விரைவில் படிப்படியாக ஒழிக்கப்பட வேண்டும்.

புருனை கம்போடியா, லாவோஸ், மியான்மர், சிங்கப்பூர், தாய்லாந்து, திமோர்-லெஸ்டே மற்றும் வியட்நாம் ஆகிய எட்டு ஆசியான் உறுப்பு நாடுகள் மின்னணு புகைக்கும் சாதனங்களின் விற்பனை மற்றும் இறக்குமதிக்குத் தடை விதித்துள்ளன.

அனைத்து வணிக நிகோடின் தயாரிப்புகளுக்கும் ஒரு திட்டவட்டமான இறுதிக் கொள்கையை நோக்கி மாறுவதன் மூலம், இப்பகுதியையும், குறிப்பாக அதன் இளைஞர்களையும் முழுமையாகப் பாதுகாக்க வேண்டும்.

புகையிலை, நிகோடின் தயாரிப்புகளின் விரைவான பெருக்கம், ஆசியான் பிராந்தியம் முழுவதும் இளைஞர்களிடையே ஒரு கடுமையான போதைப்பழக்க நெருக்கடியைத் தூண்டியுள்ளது.
இளைஞர்களைக் கவரும் ஆயிரக்கணக்கான இனிப்பு மற்றும் பழச் சுவைகளை அறிமுகப்படுத்துவதன் மூலம், இந்தத் தொழில் துறை "தீங்கு குறைப்பு" என்ற மோசடியான போர்வையில் ஆழமான உடல் சார்ந்த சார்புநிலையை உருவாக்குகிறது. 

இது தென்கிழக்கு ஆசியாவில் பல தசாப்தங்களாகக் கடினமாகப் போராடிப் பெற்ற புகையிலைக் கட்டுப்பாட்டு வெற்றிகளைப் பின்னோக்கித் தள்ளும் அச்சுறுத்தலை ஏற்படுத்துகிறது.

இந்தப் பொருட்கள் சந்தைக்கு வருவதற்கு முன்பே அவற்றைக் கண்டறிந்து தடைசெய்ய, நமது சட்டங்கள் உடனடியாகப் புதுப்பிக்கப்பட வேண்டும்.

நமது இளைஞர்களை வெறும் மாற்று பயனீட்டாளராக கருதும் ஒரு தொழில் துறைக்கு எதிராகத் தற்காப்பு ஆட்டத்தை நிறுத்த வேண்டிய நேரம் இது."

பிராந்திய பிரச்சாரம் தீவிரமடைந்து வரும் நிலையில், அடிப்படை கட்டுப்பாடுகளுக்கு அப்பால் சென்று, ஒரு விரிவான இறுதிநிலை உத்தியை தீவிரமாக வகுக்குமாறு ஆசியான் தலைவர்களை குடிமைச் சமூக அமைப்புகள் வலியுறுத்துகின்றன. 

 மின்னணு புகைக்கும் சாதனங்களுக்கு முழுமையான தடைகளைத் தக்கவைத்து, சிகரெட்டுகளை முறையாக படிப்படியாக நீக்குவதன் மூலம், ஆசியான் பொது சுகாதாரத்திற்கான ஒரு உலகளாவிய முன்மாதிரியாகச் செயல்பட முடியும்.

பெருநிறுவனங்களின் ஆதரவிலான அடிமைத்தனச் சுழற்சியிலிருந்து விடுபட்ட ஒரு உலகத்தை நமது குழந்தைகள் மரபுரிமையாகப் பெறுவதை உறுதிசெய்யும் வகையில், வணிகப் புகையிலைச் சூழலமைப்பை நாம் முற்றிலுமாக அகற்ற வேண்டும்.

புகைபிடித்தல் தொடர்பான நோய்கள் பெரும்பாலும் வெளிப்பட பல தசாப்தங்கள் ஆகும்.

சட்டவிரோத போதை விநியோகத்திற்கு வேப் பொருட்கள் பயன்படுத்தப்படுவதால், பிரச்சனை இப்போது தீவிரமடைந்துள்ளது. 
 ஃபென்டானைல், மெத்தம்பேட்டமைன் மற்றும் செயற்கை ஹாலுசினோஜென்கள் உள்ளிட்ட பொருட்கள் வேப் திரவங்களில் சேர்க்கப்படுகிறது. 

 “மேஜிக் காளான்” வேப்களில் செயற்கை போதை பொருள் இருப்பது கண்டறியப்பட்டது.

அனைத்து புகைபிடித்தல் மற்றும் வேப்பிங் பொருட்களுக்கும் விரிவான தடையை அமல்படுத்த மலேசிய அரசாங்கத்தை பினாங்கு பயனீட்டாளர் சங்கம் கேட்டுக்கொள்கிறது என்கிறார் சுப்பாராவ்

- ஃபிதா