மலேசியர்களை ஒன்றிணைப்பதில் தோல்வியடைந்து விட்டேன்: துன் மகாதீர்

கோலாலம்பூர்:

கடந்த இரண்டு ஆண்டுகளுக்கும் மேலாக மலேசியர்களை ஒன்றிணைக்கும் முயற்சிகளை முன்னெடுத்த பிறகு, அதில் நான் தோல்வியடைந்துவிட்டேன்.

முன்னாள் பிரதமர் துன் டாக்டர் மகாதீர் முகமட் இதனை ஒப்புக்கொண்டார்.

தனது சமூக ஊடகத்தில் தோல்வி என்ற தலைப்பில் ஒரு சுருக்கமான பதிவில் இந்த ஒப்புதலை அளித்துள்ளார்.

மேலும், இந்த நாடு மலேசியர்களின் கைகளிலிருந்து நழுவிவிடும்.

நான் இரண்டு ஆண்டுகளுக்கும் மேலாக மலேசியர்களை ஒன்றிணைக்க முயற்சித்தேன். நான் தோல்வியடைந்துவிட்டேன் என்பதை ஒப்புக்கொள்ள வேண்டும்.

எனவே, இந்த நாடு மலேசியர்களின் கைகளிலிருந்து நழுவிவிடும். இனம், நாடு மற்றும் மதத்தைச் சேர்ந்த தலைவர்களின் தலைவிதியை விட மலேசியர்கள் முக்கியமானவர்கள் என்பதால், மலேசியர்களின் வரலாறு முடிவுக்கு வரும், என்று அவர் கூறினார்.

இருப்பினும் மலாய்க்காரர்களை ஒன்றிணைப்பதற்காக கடந்த இரண்டு ஆண்டுகளில் அவர் மேற்கொண்ட முயற்சிகள் குறித்து துன் மகாதீர் விரிவாகக் கூறவோ அல்லது குறிப்பிடவோ இல்லை.

கடந்த ஆண்டு ஜூன் 4 அன்று, அரசாங்கத்தில் மலாய்க்காரர்களின் அதிகாரத்தை மீட்டெடுக்கும் முயற்சியாக அவர் மலாய் செயலகத்தை நிறுவினார் என்பது குறிப்பிடத்தக்கது.

- பார்த்திபன் நாகராஜன்