மிதிவண்டி ஓட்டுநர் பலியான விபத்தில் இளைஞர் குற்றஞ்சாட்டப்பட்டார்

கூச்சிங்: 

கடந்த வெள்ளிக்கிழமை, மே 1 அன்று சைக்கிள் ஓட்டுநர் ஒருவரின் உயிரிழப்பில் முடிந்த ஒரு விபத்தில், பொறுப்பற்ற முறையில் வாகனம் ஓட்டியதாகக் குற்றஞ்சாட்டப்பட்ட இளைஞர் ஒருவர் தான் குற்றமற்றவர் என மறுத்துள்ளார்.

19 வயதுடைய அவர், விபத்து ஏற்படுத்தியதற்காக, சாலைப் போக்குவரத்துச் சட்டத்தின் பிரிவு 41(1) கீழ், இங்குள்ள மாஜிஸ்திரேட் நீதிமன்றத்தில் புதன்கிழமை, மே 6 அன்று குற்றஞ்சாட்டப்பட்டார்.

மாஜிஸ்திரேட் நூர்ஸ்யஹீகா நஸ்வா ராட்ஸாலி, விசாரணைக்கு முந்தைய வழக்கு மேலாண்மைக்காக ஜூன் 23 ஆம் தேதியை நிர்ணயித்தார்.

குற்றஞ்சாட்டப்பட்டவரை இரண்டு உத்தரவாததாரர்களுடன் 20,000 ரிங்கிட் ஜாமீனில் விடுவிக்க நீதிமன்றம் அனுமதித்தது.

மாதத்திற்கு ஒருமுறையாவது, அருகிலுள்ள போலிஸ் நிலையத்தில் அறிக்கை சமர்ப்பிக்குமாறும் அது அவருக்கு உத்தரவிட்டது.

துணை வழக்குத் தொடரும் அதிகாரி முஹம்மத் ஃபிலானி சிஜி வழக்குத் தொடர்பை மேற்கொண்டார். குற்றஞ்சாட்டப்பட்டவர், வழக்கறிஞர் டேனியல் லிங்கால் பிரதிநிதித்துவப்படுத்தப்பட்டார்.

மே 1 சம்பவத்தில், 56 வயதுடைய சைக்கிள் ஓட்டுநர் அதிகாலை 5.43 மணியளவில் ஜாலான் ஸ்டூடோங்கில், சம்பவ இடத்தை விட்டு வெளியேறிய ஒரு வாகனத்தால் மோதப்பட்டார்.

அதிகாலை 6.30 மணியளவில், மருத்துவ அவசர ஊர்தி பணியாளர்களால் பாதிக்கப்பட்டவர் இறந்ததாக அறிவிக்கப்பட்டார்.

செவ்வாய்க்கிழமை, மே 5 மதியம், கூச்சிங் மாவட்ட போலிஸ் தலைமையகத்தில் அந்த ஓட்டுநர் சரணடைந்தார்.

-சங்கீர்த்தனா