ராஷ்போர்ட் மீண்டும் மென்செஸ்டர் யுனைடெட்டிற்கு திரும்ப வாய்ப்புள்ளது

லண்டன்:

முன்னணி வீரர் ராஷ்போர்ட் மீண்டும் மென்செஸ்டர் யுனைடெட்டிற்கு திரும்ப வாய்ப்புள்ளது.

மென்செஸ்டர் யுனைடெட்டின் தற்காலிக நிர்வாகி மைக்கல் கேரிக், பார்சிலோனாவுடனான மார்கஸ் ராஷ்ஃபோர்டின் கடன் ஒப்பந்தம் முடிவடைந்த பிறகு, அவர் ஓல்ட் டிராபோர்டுக்குத் திரும்புவதற்கான சாத்தியக்கூறை நிராகரிக்கவில்லை.

இந்த இங்கிலாந்து வீரர், கடந்த சீசனில் அஸ்டன் வில்லாவுக்குக் கடன் அடிப்படையில் அனுப்பப்பட்டார்.

பின்னர் நடப்பு சீசனுக்காக பார்சிலோனாவில் இணைவதற்கு முன்பு, டிசம்பர் 2024 முதல் மென்செஸ்டர் யுனைடெட் அணிக்காக அவர் விளையாடவில்லை.

28 வயதான ராஷ்போர்ட், லா லீகாவில் முன்னணியில் உள்ள அணியுடன் ஒரு சிறப்பான சீசனைக் கழித்துள்ளார்.

ஆனால் பார்சிலோனா அவரது நிரந்தர 147 மில்லியன் ரிங்கிட் ஒப்பந்த முறிவு விதியைச் செயல்படுத்த இன்னும் தயக்கம் காட்டுவதாகக் கூறப்படுகிறது.

2026 பிபா உலகக் கிண்ண போட்டியில் இங்கிலாந்து அணியில் இடம்பிடிக்கப் போட்டியிடும் அந்த வீரரின் எதிர்காலத்தை, வரும் கோடைக்காலத்திற்கு முன்னதாக இந்த நிலைமை மீண்டும் நிச்சயமற்றதாக ஆக்குகிறது.

- பார்த்திபன் நாகராஜன்