ஷெரீன், உமர் சிங்கப்பூரில் தங்கம் வென்றனர்

கோலாலம்பூர்: 

நாட்டின் பெண் ஓட்டப்பந்தய வீராங்கனை ஷெரீன் சாம்சன் வல்லாபோய், இன்று சிங்கப்பூர் தேசிய அரங்கில் நடைபெற்ற சிங்கப்பூர் திறந்த வெளி தடகள சாம்பியன்ஷிப்பில் 400 மீட்டர் (மீ) பந்தயத்தில் தங்கப் பதக்கத்தை வென்று, எதிர்பார்ப்புகளை நிறைவேற்றினார்.

அந்த இறுதிப் போட்டியில், மற்ற போட்டியாளர்களுக்குச் சவால் விட முடியாத அளவிற்கு, ஷெரீன் தனது சிறந்த செயல்திறனில் இருந்தார். அவர் 54.24 விநாடிகளில் (வி) இலக்குக் கோட்டைக் கடந்து, தொடர்ந்து முன்னிலை வகித்தார்.

இந்தோனேசிய ஓட்டப்பந்தய வீராங்கனை மெர்கினா அஸ்யெரெம் 55.96 விநாடிகளில் வெள்ளிப் பதக்கம் வென்றார். அதே சமயம், நாட்டு வீராங்கனை லாவினியா ஜெய்கந்த் 57.24 விநாடிகளில் வெண்கலப் பதக்கத்தை வென்றார்.

"இது எனது பருவத் தொடக்கமாகும். இது எனக்கு சற்று ஆரம்பமானது. 54 விநாடிகள் என்பது 53 விநாடிகளுக்கு அருகில் இருப்பதால், இது ஒரு நல்ல தொடக்கம் என்று நான் நினைக்கிறேன்.

"நிச்சயமாக இது நம்பிக்கையை உருவாக்க உதவுகிறது. கடந்த பருவத்தின் அடிப்படையில், நான் இப்போது ஒரு நல்ல பாதையில் இருக்கிறேன். பயிற்சியில் நான் மேலும் நம்பிக்கை அடைகிறேன், தொடர்ந்து முன்னேற்றத்தைக் காட்டுகிறேன்." என்று இறுதிப் போட்டிக்குப் பின்னர் அவர் மலேசிய தடகள சங்கத்திடம் கூறினார்.

இதற்கிடையில், நாட்டின் 400 மீட்டர் ஆண்கள் ஓட்டப்பந்தய வீரர் உமர் ஒஸ்மானும், ஆரம்பத்தில் பின்தங்கியிருந்த போதிலும், அந்தப் பந்தயத்தில் தங்கப் பதக்கத்தை வென்று, சிறந்த ஓட்டத்தை வெளிப்படுத்தினார்.

"அல்ஹம்துலில்லா, இன்று என்னால் முதலிடம் பெற முடிந்தது. இருப்பினும், நேரத்தைப் பொறுத்தவரை, நான் இன்னும் நிறைய மேம்படுத்த வேண்டியுள்ளது. 

"எப்படியிருந்தாலும், இன்றைய முடிவை நான் நேர்மறையாக ஏற்றுக்கொள்கிறேன். இன்ஷா அல்லாஹ், அடுத்த போட்டியில் நான் இன்னும் சிறப்பாகச் செயல்படுவேன்" என்றார் அவர்.

-சங்கீர்த்தனா